រថយន្តស៊ាំយ៉ុងបុកម៉ូតូវ៉េវអូសក្រោមរថយន្ត២០ម៉ែត្រ បណ្តាលឲ្យបុរសម្នាក់ស្លាប់យ៉ាងអាណោចអាធ័ម

ភ្នំពេញៈ គ្រោះថ្នាក់ចរាចរណ៍ដ៏រន្ធត់មួយបានកើតឡើង បន្ទាប់ពីរថយន្តស៊ាំយ៉ុងមួយគ្រឿងបើកបរខ្វះការប្រុងប្រយត្ន័ និងការវ៉ាប្រជែង បានបើកមកបុកម៉ូតូម៉ាកវ៉េវ ដែលកំពុងបើកបរដោយបុរសវ័យចំណាស់ម្នាក់ ជិះឆ្លងផ្លូវយ៉ាងពេញទំហឹង អូស២០ម៉ែត្រ បណ្តាលឲ្យអ្នកបើកបរម៉ូតូស្លាប់ភ្លាមៗមួយប៉ប្រិចភ្នែកយ៉ាងអាណោចអាធ័ម ។

ហេតុការណ៍នេះបានកើតឡើងកាលពីវេលាម៉ោង៦និង៣០នាទី ថ្ងៃទី១៩ ខែវិច្ឆិកា ឆ្នាំ២០១៦ ស្ថិតនៅចំណុចកំពង់ចម្លងកោះដាច់ តាមបណ្តោយផ្លូវជាតិលេខ៦ ក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ។

ប្រភពព័ត៌មានពីសាក្សីដែលបានឃើញហេតុការណ៍បានឲ្យដឹងថា មុនពេលកើតហេតុ គេបានឃើញជនរងគ្រោះដែលជាបុរសវ័យចំណាស់ បើកបរម៉ូតូមួយគ្រឿងម៉ាកវ៉េវ ពណ៌ខ្មៅ ពាក់ស្លាកលេខ ភ្នំពេញ1BQ-1743 តាមបណ្តោយផ្លូវខាងលើ លុះបានមកដល់ចំណុចកើតហេតុ ម៉ូតូជនរងគ្រោះបានបត់ឆ្លង ស្របពេលនោះស្រាប់តែមានរថយន្តបង្ក ម៉ាកស៊ាំយ៉ុង ពណ៌ស ពាក់ស្លាកលេខ ភ្នំពេញ 2AB-7946 ដែលកំពុងបើកបរដោយបុរសម្នាក់ ក្នុងល្បឿនយ៉ាងលឿនវ៉ាប្រជែងជាមួយនឹងរថយន្តមួយគ្រឿងផ្សេងទៀត មិនប្រយត្ន័ក៏បុកម៉ូតូជនរងគ្រោះដែលកំពុងជិះឆ្លងផ្លូវពេញទំហឹង បណ្តាលឲ្យម៉ូតូជនរងគ្រោះគៀបជាប់ខាងក្រោមរថយន្តអូស២០ម៉ែត្រ ស្លាប់អ្នកបើកបរម៉ូតូភ្លាមៗយ៉ាងអាណោចអាធ័មតែម្តង ។

ក្រោយពីកើតហេតុ សមត្ថកិច្ចនគរបាលចរាចរណ៍បានចុះមកធ្វើការវាស់វែង និងនាំយករថយន្តនិងម៉ូតូយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ រង់ចាំធ្វើការដោះស្រាយគ្នាតាមផ្លូវច្បាប់ ចំណែកសាកសពប្រគល់ទៅឲ្យក្រុមគ្រួសារធ្វើបុណ្យតាមប្រពៃណី៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍