ក្រុមអ្នកតវ៉ា...

ក្រុមអ្នកតវ៉ាប្រឆាំងរដ្ឋាភិបាលម៉ាឡេស៊ីរាប់ពាន់នាក់ នៅតែបន្តសកម្មភាព ទោះបីមានការចាប់ខ្លួនក៏ដោយ

ចែកចាយបន្ត

ម៉ាឡេស៊ីៈ ក្រុមអ្នកតវ៉ារាប់ពាន់នាក់ ដែលប្រឆាំងនឹងរដ្ឋាភិបាល ត្រូវបានគេរំពឹងថា នឹងមានការប្រមូលផ្តុំគ្នា ក្នុងធានីប្រទេសម៉ាឡេស៊ី នៅថ្ងៃសៅរ៍នេះ ដើម្បីទាមទារឱ្យនាយករដ្ឋមន្ត្រីលោក Najib Razak លាលែងពីតំណែងក្រោយកើតមានរឿងអាស្រូវ ខណៈដែលមានការចាប់ខ្លួនសកម្មជន និងមេដឹកនាំបក្សប្រឆាំងនៅប៉ុន្មានម៉ោងមុនពេលបាតុកម្មនេះក៏ដោយ។ នេះបើយោងតាមរយៈ សារព័ត៌មានចិនសិង្ហបុរី ចេញផ្សាយនៅថ្ងៃទី១៩ ខែវិច្ឆិកា ឆ្នាំ២០១៦។

ការធ្វើបាតុកម្មនេះ វាដូចជាមិនទំនងសោះទ្បើយ ដែលលោក Najib បានបដិសេធថា ខ្លួនមិនបានធ្វើខុស សម្រាប់ការបង្ក្រាបលើអ្នកប្រឆាំង និងទប់ស្កាត់ក្រុមប្រព័ន្ធផ្សព្វផ្សាយ និងសកម្មជនជាដើម។

លោកស្រី Maria Chin Abdullah ប្រធានកំណែទម្រង់ការបោះឆ្នោតនៃក្រុម Bersih បានទាក់ទាញមនុស្សប្រហែល ២០០.០០០ នាក់ ដើម្បីធ្វើការតវ៉ានៅតាមដងផ្លូវ ដែលស្រដៀងគ្នាទៅសកម្មភាពតវ៉ាកាលពីឆ្នាំមុនដែរ ហើយត្រូវបានចាប់ខ្លួនកាលពីថ្ងៃសុក្រ។

ក្នុងនោះដែរមេដឹកនាំគណបក្សប្រឆាំងយ៉ាងហោចណាស់ ៥នាក់ និងសកម្មជននិស្សិត ត្រូវបានប៉ូលិសចាប់ខ្លួនផងដែរ។ ប៉ុន្តែក្រុមនេះ បាននិយាយថា បើទោះបីជាមានចាប់ខ្លួន ឬទប់ស្កាត់ពីរដ្ឋាភិបាលយ៉ាងណាក៏ដោយ ការតវ៉ានេះនឹងនៅតែធ្វើទ្បើងបន្ត។

ក្នុងសុន្ទរកថាមួយ លើគេហទំព័ររបស់ខ្លួន កាលពីថ្ងៃសុក្រលោក Najib បាននិយាយថា « ក្រុមអ្នកតវ៉ា គឺឧបករណ៍របស់គណបក្សប្រឆាំង ហើយចលនារបស់ពួកគេ គឺមានល្បិច ដែលវាច្បាស់ណាស់ថា ការតវ៉ានៅតាមផ្លូវទាំងនេះ ជាការពិតគណបក្សប្រឆាំង គឺបានក្លែងធ្វើជាអង្គការក្រៅរដ្ឋាភិបាលឯករាជ្យមួយ ដើម្បីធ្វើការទាមទារឲ្យរដ្ឋាភិបាលរបស់លោកចុះចេញពីតំណែង»៕

supporters-of-pro-democracy-group-quot-bersih-quot-clean-gather

ចែកចាយបន្ត