កូរ៉េខាងត្បូង...

កូរ៉េខាងត្បូងបដិសេធ Google ស្នើសុំយកទិន្ន័យផែនទីរដ្ឋាភិបាលប្រើប្រាស់

ចែកចាយបន្ត

download

ប្រទេសកូរ៉េខាងត្បូង បាននិយាយកាលពីថ្ងៃសុក្រថា ខ្លួនបានបដិសេធសំណើរចុងក្រោយរបស់ក្រុមហ៊ុន Google ជុំវិញការសុំអនុញាតប្រើប្រាស់ទិន្ន័យផែនទីរដ្ឋាភិបាល ដើម្បីដាក់ចេញទៅលើបណ្តាញខាងក្រៅតំបន់ ដោយលើកឡើង ពីបញ្ហាសន្តិសុខរវាងប្រទេសកូរ៉េខាងជើង។

ក្រុមហ៊ុន Alphabet ដែលគេហៅថា Google បានលើកឡើងវិញថា គេត្រូវការប្រើប្រាស់ទិន្ន័យនេះ នៅលើប្រព័ន្ធបណ្តាញរបស់ពួកគេ សម្រាប់អនុញាតឲ្យអ្នកប្រើប្រាស់ធ្វើដំណើរជុំវិញប្រទេសកូរ៉េ តាមរយៈ Google Maps។

Google បាននិយាយថា ពួកយើងមានការអាក់អន់ចិត្ត សម្រាប់ការសម្រេចចិត្តរបស់រដ្ឋាភិបាលកូរ៉េខាងត្បូង។ សម្តីរបស់អ្នកនាំពាក្យក្រុមហ៊ុន Google លោក Taj Meadows និយាយនៅក្នុងសេចក្តីថ្លែងការណ៍មួយថា ពួកគេបានបាត់បង់ក្តីសង្ឃឹមថា នាពេលអនាគត Google នឹងអាចឲ្យអ្នកប្រើប្រាស់កម្មវិធី Google Maps ប្រើប្រាស់ផែនទី ក្នុងប្រទេសកូរ៉េខាងត្បូងបានជាក់លាក់ជាងមុន។

កូរ៉េខាងត្បូង ដែលជាប្រទេសកំពុងមានបញ្ហាសង្គ្រាម ជាមួយកូរ៉េខាងជើង ចាប់តាំងពីឆ្នាំ ១៩៥០ ដល់ ១៩៥៣ ហើយបានបញ្ចប់ដោយពុំមានសន្តិភាពគ្រប់គ្រាន់នោះ បានប្រកែកថា បើគេអនុញាតឲ្យទិន្ន័យផែនទី ប្រទេសខ្លួន លេចចេញទៅក្រៅអញ្ចឹងទីតាំងបន្ទាយទាហាន និងតំបន់សំខាន់ផ្សេងៗអាចនឹងធ្វើឲ្យបែកធ្លាយ៕

ចែកចាយបន្ត