Post News Media ព័ត៌មានជាតិ ក្រុមអ្នកជិះម...

ក្រុមអ្នកជិះម៉ូតូធំអន្តរជាតិ៨០គ្រឿងបានមកក្រុងភ្នំពេញដោយសុវត្ថិភាព

ចែកចាយបន្ត

ភ្នំពេញ: បើគ្មានអ្វីធ្វើឱ្យរាំងស្ទះខាងចរាចរណ៍ធ្វើដំណើរទេ ក្បួនជិះម៉ូតូធំអន្តរជាតិចំនួន៨០គ្រឿងដែលធ្វើដំណើរទេសចរណ៍តាមផ្លូវគោក និងមកដល់ភ្នំពេញនៅវេលាម៉ោង៣រសៀលថ្ងៃទី១៨ ខែវិច្ឆិកា តាមការគ្រោងទុកក្នុងកម្មវិធីពិតប្រាកដមែន។

លោក ធួន ស៊ីណាន ប្រធានក្រុមហ៊ុនទេសចរណ៍ណ B2BCambodia ដែលជាអ្នកផ្តួចផ្តើមកម្មវិធីនេះបានប្រាប់ឱ្យដឹងថា ការនាំយកភ្ញៀវក្នុងតំបន់អាស៊ានតាមរយ:ការជិះម៉ូតូធំ អន្តរជាតិ គឺចូលមកកម្ពុជាតាមផ្លូវគោក គឺបានផ្តល់នូវអត្ថប្រយោជន៍ខាងសេដ្ឋកិច្ចមិត្តភាព រវាងជាតិសាសន៍ក្នុងតំបន់និងការធ្វើទេសចរណ៍បែបនេះ ក៏បាននាំយកសន្តិភាព និងកិច្ចសហប្រតិបត្តិការណ៍។

លោក ស៊ីណាន បានបន្តថា ជាមួយភ្ញៀវទេសចរបរទេសប្រមាណ១២៧នាក់ មកជាមួយម៉ូតូធំ៨០គ្រឿង ក្នុងរយ:ពេល៤ថ្ងៃ ចាប់ពីថ្ងៃទី១៨ ដល់ថ្ងៃទី២១ ខែវិច្ឆិកា ជាឱកាសបានស្នាក់នៅកម្ពុជា កីឡាករដែលជិះម៉ូតូមកពីប្រទេស ភូមា ម៉ាឡេស៊ី សិង្ហបុរី ថៃ និងបានទៅទស្សនកិច្ចប្រាសាទអង្គរវត្ត ។ ហើយបានបង្ហាញនូវអត្តសញ្ញាណទេសចរណ៍មួយ បាននាំមកនូវសន្តិភាព ជូនដល់មាតុភូមិកម្ពុជា។ នេះ គឺជាព្រឹត្តិការណ៍ក្នុងកម្មវិធីមួយ ដើម្បីសប្បុរសធម៌ប្រមូលមូលនិធិជួយដល់មន្ទីពេទ្យគន្ធបុប្ផា។ មិនមែនបង្កើតកម្មវិធីដើម្បីរកផលចំណេញខាងសេដ្ឋកិច្ចបម្រើឱ្យផលប្រយោជន៍សម្រាប់ក្រុមហ៊ុនផ្ទាល់ខ្លួនដូចក្រុម ហ៊ុនសេវាកម្មទេសចរដ៏ទៃទៀតនោះទេ។

ក្រុមហ៊ុម B2B Cambodia បានរៀបចំកីឡាទេសចរណ៍បែបនេះ មិនមែនទើបតែលើកទី១នោះទេ គឺក្រុមហ៊ុនធ្លាប់ធ្វើជារៀងរាល់ឆ្នាំ មានរៀបចំកីឡាទេសចរណ៍ជាក្បួនរថយន្តប្រណាំងចេញទៅក្រៅប្រទេស ក៏មានដោយសហការជាមួយប្រទេសជាសមាជិកអាស៊ានទៀតផង។ ដោយបានការត្រៀមលក្ខណ:ទុកជាមុន ធ្វើឱ្យការឆ្លងដែនតាមច្រកចាំយាមខេត្តកោះកុងត្រូវបានសមត្ថកិច្ចពាក់ព័ន្ធបានសម្រួលឱ្យឆ្លងកាត់បានឆាប់រហ័ស នូវម៉ូតូ ៨០គ្រឿង និងភ្ញៀវជាង ១០០នាក់ បានប្រកបដោយសុវត្ថភាព។

ឆ្លៀតឱកាសស្នាក់នៅក្រុងភ្នំពេញ នាយប់ថ្ងៃទី១៨ វិច្ឆិកា លោក ហោ សារុន អនុរដ្ឋលេខាធិការ ក្រសួងទេសចរបានទទួលស្វាគមន៍យ៉ាងកក់ក្តៅដល់កីឡាករជិះម៉ូតូទាំងនេះ ហើយបានចាត់ទុកថា កម្មវិធីជិះម៉ូតូនេះ គឺជាកីឡាទេសចរនាំមកនូវសក្តានុពលអូសទាញភ្ញៀវបែបនេះ ឱ្យមកទស្សនាកម្ពុជាកាន់តែច្រើនថែមទៀត៕

photo_2016-11-19_13-08-12

photo_2016-11-19_13-08-10

photo_2016-11-19_13-08-12-2