អាវុធពីរដើម ត...

អាវុធពីរដើម ត្រូវសមត្ថកិច្ចរកឃើញក្នុងអណ្ដូង ខាងក្រោយផ្ទះជនល្មើស

ចែកចាយបន្ត

កំពង់ធំៈ កាលពីវេលាម៉ោង៨ និង៣០នាទីព្រឹក ថ្ងៃទី២០ ខែវិច្ចិកានេះ កម្លាំងសមត្ថកិច្ចនគរបាលខេត្ត សហការជាមួយនគរបាលប៉ុស្ដិ៍ក្រវ៉ា បានរកឃើញអាវុធលាក់ទុក ក្នុងអណ្ដូងមួយ នៅត្រង់ចំណុចត្រពាំងរ៉ូង ភូមិក្រវ៉ា ឃុំក្រវ៉ា ស្រុកបារាយ៍ ខេត្តកំពង់ធំ។

លោក ប្រាក់ ផាណូ នាយប៉ុស្តិ៍នគរបាលក្រវ៉ា បានឲ្យដឹងថា ក្រោយទទួលបានព័ត៌មានជនសង្ស័យ បានឆ្លើយសារភាពថា បានលាក់ទុកអាវុធ សម្រាប់ធ្វើសកម្មភាពនៅចំណុចខាងលើ កម្លាំងសមត្ថកិច្ចស្រុក និងខេត្ត បានសហការគ្នា ចុះទៅដល់គោលដៅចំណុចលាក់ទុក ក៏បានរកឃើញ អាវុធ២ដើម ម៉ាក់ K54មួយដើម គ្រាប់មួយបង់ និង AK47 មួយដើម គ្រាប់៣ បង់ចំនួន ៦០គ្រាប់។

លោក កែ ខាន់ណារ៉ា ស្នងការរងទទួលផែនព្រហ្មទណ្ឌ ខេត្តកំពង់ធំបានឲ្យដឹងថា ការឈានដល់ការរកឃើញអាវុធ ២ដើមនេះ គឺដោយសារការចាប់ខ្លួនជនសង្ស័យ និងបក្សពួកកាលពីឆ្នាំមុន ដែលជនសង្ស័យមិនបានសារភាពនោះទេ តែត្រូវសមត្ថកិច្ចយើងស៊ើបដឹងថា ជនសង្ស័យមានអាវុធ ២ ដើមលាក់ទុក រហូតមកដល់ថ្ងៃនេះ រួចយើងក៏បានប្រើប្រាស់អ្នកជំនាញ ដើម្បីស្វែងរកអាវុធទាំងនេះឃើញតែម្ដង៕

gun-1

gun-2

gun-3

gun-4

ចែកចាយបន្ត