ចិន-កម្ពុជាប្...

ចិន-កម្ពុជាប្តេជ្ញាគាំទ្រ និងជំរុញវិស័យកសិកម្មកម្ពុជាឲ្យមានការរីកចម្រើន

ចែកចាយបន្ត

ភ្នំពេញៈ បន្ទាប់ពីបានស្តាប់ការពន្យល់ពីមន្រ្តីជំនាញនូវស្ថានភាពកសិកម្មនៅកម្ពុជា រួចមក ក្រសួង ស្ថាប័ន មន្ទីរពាក់ព័ន្ធរបស់រដ្ឋនិងវិស័យឯកជរបស់ចិន មានបំណងមកវិនិយោគលើវិស័យកសិកម្មនៅកម្ពុជា ដោយបានគាំទ្រ និងសន្យាជំរុញវិស័យឯកជន ដោយបោះទុនវិនិយោគលើវិស័យនេះ ឲ្យមានការរីកចម្រើននាពេលខាងមុខ ។

បើតាមព័ត៌មានរបស់ក្រសួងកសិកម្មបង្ហាញថា អ្វីដែលជាក្តីសង្ឃឹមជាមួយនិងការខិតខំរបស់ថ្នាក់ដឹកនាំក្រសួង កសិកម្មកន្លងមក គឺពិតជាទទួលបានការគាំទ្រយ៉ាងធំធេង និងមិនអាចនឹកស្មានដល់ ពីការសន្យាការគាំទ្រ ជាឯកច្ឆ័នពីប្រទេសចិន ទាំងស្ថាប័រដ្ឋក៏ដូចជាវិស័យឯកជន ក្នុងការបោះទុនវិនិយោគនិងការផ្តល់បច្ចេកវិទ្យា ការធ្វើទំនើបកម្មកសិកម្ម ការកសាងហេដ្ឋារចនាសម្ព័ន្ធ ចង្វាក់ផលិតកម្មកសិកម្ម ក្នុងការវិចខ្ចប់ផលិតផល សម្រាប់នាំចេញ ជាមួយនឹងការបង្កើតយន្តការត្រួតពិនិត្យភូតគាមអនាម័យ នៅក្នុងតំបន់សេដ្ឋកិច្ចពិសេស លើវិស័យកសិកម្ម ដើម្បីផ្តល់សេចក្តីទុកចិត្តពីអ្នកបញ្ជារទិញពីខាងក្រៅប្រទេស”។

ប្រភពខាងលើបញ្ជាក់ថា “គម្រោងមួយនេះ នឹងបោះទុនវិនិយោគចំនួនប្រមាណជាជាងពីរពាន់លានដុល្លារអាមេរិក ដែលនឹងត្រូវធ្វើពិធីបញ្ចុះបឋមសិលា ក្នុងពេលដ៏ខ្លីខាងមុខនេះ នៅលើផ្ទៃដីប្រមាណជា៣០០ ហិកតា នៅក្នុងខេត្តកំពង់ស្ពឺ ។ ប៉ុន្តែកិច្ចការនេះ ទាមទារឲ្យយើងបន្តខិតខំធ្វើកិច្ចការជាច្រើនទៀត ដែលមិនអាចធ្វើតែមួយថ្ងៃ ឬក៏មួយខែបាននោះទេ វាត្រូវការពេលវេលាច្រើន ដើម្បីឈានទៅសម្រេចបាននូវអ្វីៗ ដែលជាបំណងប្រាថ្នា របស់ប្រជាជន និងរាជរដ្ឋាភិបាលកម្ពុជា រួមជាមួយនឹងភាពអត់ធ្មត់ កិច្ចសហការគ្នាយ៉ាងស្វិតស្វាញ និងភាពស្មោះត្រង់ ជឿជាក់ ទើបមានប្រសិទ្ធភាពការងារក្នុងការអនុវត្តគម្រោងធំៗទាំងនេះ បានល្អ និងស្ថិតស្ថេរយូអង្វែង”៕

ministry

ministry2

ministry1

ចែកចាយបន្ត