កម្លាំងនគរបាល...

កម្លាំងនគរបាលព្រហ្មទណ្ឌខណ្ឌ៧មករា ឆ្មក់បង្ក្រាបក្រុមប្រើប្រាស់ថ្នាំញៀន នៅប្លុកបុរីកីឡា ៣នាក់ប្រុសស្រី

ចែកចាយបន្ត

ភ្នំពេញៈ ក្រុមដែលប្រើប្រាស់គ្រឿងញៀន នៅតំបន់ស្មុកស្មាញបុរីកីឡា បាននាំគ្នាសំងំជក់គ្រឿងញៀនទាំងក្មេងទាំងចាស់ ត្រូវបានកម្លាំងនគរបាលព្រហ្មទណ្ឌខណ្ឌ៧មករា ឆ្មក់បង្ក្រាបយុវជនប្រុសស្រីបានចំនួន៣នាក់។ ហេតុការណ៍នេះបានធ្វើការឃាត់កាលពីវេលាម៉ោង០៤និង២០នាទីរសៀលថ្ងៃទី២០ ខែវិច្ឆិកា ឆ្នាំ២០១៦ ស្ថិតនៅចំណុចដីឡូ៍ក្រោយអាគារបូរីកីឡា ក្នុងសង្កាត់វាលវង ខណ្ឌ៧មករា រាជធានីភ្នំពេញ។

ជនសង្ស័យទាំង៣នាក់ប្រុសស្រី ដែលនគរបាលឃាត់ខ្លួន រួមមានទី១ ឈ្មោះ អិន សុវណ្ណធូ ភេទស្រី អាយុ២៦ឆ្នាំ ស្នាក់នៅម្ដុំអរិយក្សត្រនិងមុខរបបពុំពិតប្រាកដ។ទី២ ឈ្មោះ ពេជ្រ រស្មី ភេទប្រុស អាយុ១៥ឆ្នាំ ស្នាក់នៅម្ដុំកោះក្របីនិងមុខរបបពុំពិតប្រាកដ។និងទី៣ ឈ្មោះ អុង សូរិយា ភេទប្រុស ៣៥ឆ្នាំ ស្នាក់នៅម្ដុំបុរីកីឡា ក្នុងសង្កាត់វាលវង់ ខណ្ឌ៧មករា។

តាមប្រភពព័ត៌មានបានឲ្យដឹងថា នៅមុនពេលឈានដល់ការឃាត់ខ្លួនជនសង្ស័យ កម្លាំងនគរបាលបានធ្វើការស៊ើបអង្កេត ល្បាតក្នុងមូលដ្ឋាន ក៏ប្រទះឃើញជនសង្ស័យអង្គុយសំងំ នាំគ្នាជក់គ្រឿងញៀន នៅចំណុចដីឡូត៍ក្រោយបុរីកីឡា ត្រូវបានកម្លាំងនគរបាលព្រហ្មទណ្ឌ ដែលដឹកនាំ ដោយ លោក ក្រេត សិខរិន អធិការរងទទួលផែនយុតិធម៌ នៃអធិការដ្ឋាននគរបាលខណ្ឌ៧មករា បានចុះបង្ក្រាបនិងឃាត់ខ្លួនជនសង្ស័យប្រុសស្រីបានចំនួន៣នាក់និងសម្ភារៈសម្រាប់ជក់១ចំនួនផងដែរ។

សូមបញ្ជាក់ផងដែរក្នុងតំបន់បុរីកីឡាខាងលើនេះជាតំបន់ស្មុកស្មាញ និងយ៉ាងអាណាធិបតេយ្យ ដែលមានទាំងក្មេងទាំងចាស់ពពាក់ពពួននាំគ្នាជក់និងប្រើប្រាស់ថ្នាំញៀន ដែលកន្លងមកត្រូវបានអាជ្ញាធរបានបង្ក្រាបជាញឹកញាប់។

បច្ចុប្បន្នជនសង្ស័យប្រុសស្រីទាំង៣នាក់ ត្រូវបានកម្លាំងនគរបាលនាំមកឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករាដើម្បីចាត់ការតាមនីតិវិធី៕

photo_2016-11-20_19-07-47

photo_2016-11-20_19-07-59

photo_2016-11-20_19-08-01

photo_2016-11-20_19-08-03

photo_2016-11-20_19-08-06

ចែកចាយបន្ត