Post News Media ព័ត៌មានទូទៅ គណបក្សប្រឆាំង...

គណបក្សប្រឆាំងកូរ៉េខាងត្បូង ចាប់ផ្ដើមប្រមូលហត្ថលេខាពលរដ្ឋ ដើម្បីឆ្ពោះទៅរកការចោទប្រកាន់ប្រធានាធិបតីលោកស្រី Park

ចែកចាយបន្ត

កូរ៉េ: បើអ្នកនាំពាក្យគណបក្ស នៅថ្ងៃច័ន្ទនេះ បានឲ្យដឹងថា ប្រជាជនដែលគ្រាំទ្រគណបក្សប្រឆាំងរបស់កូរ៉េខាងត្បូង នឹងចាប់ផ្តើមប្រមូលហត្ថលេខា សម្រាប់ជាចលនាចោទប្រកាន់មួយ លើប្រធានាធិបតីលោកស្រី Park Geun -hye ខណ:ពេលដែលប្រឆាំងធំនេះ អាចនឹងដាក់សម្ពាធដល់គណបក្សប្រជាធិបតេយ្យ លើលក្ខខណ្ឌសម្រាប់ការចោទប្រកាន់នេះ។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី២១ ខែវិច្ឆិកា ឆ្នាំ២០១៦។

ព្រះរាជអាជ្ញាកូរ៉េខាងត្បូង បាននិយាយកាលពីថ្ងៃអាទិត្យថា ពួកគេជឿថា លោកស្រី Park ជាអ្នកដ៏មានឥទ្ធិពល ដែលបានសមគំនិត ពាក់ព័ន្ធនឹងរឿងអាស្រូវពុករលួយ ក្នុងរដ្ឋបាលរបស់នាង។

មិត្តភក្តិដ៏ជិតស្និទ្ធរបស់ប្រធានាធិបតី គឺអ្នកស្រី Choi Soon-sil និងអតីតជំនួយការប្រធានាធិបតីលោក An Chong-bum ត្រូវបានចោទប្រកាន់ពីបទរំលោភបំពានអំណាច ដោយការដាក់សម្ពាធដល់ក្រុមហ៊ុន ដើម្បីឲ្យរួមចំណែកមូលនិធិ ជុំវិញរឿងអាស្រូវនេះ។

គួរបញ្ជាក់ដែរថា មនុស្សរាប់ម៉ឺននាក់ បានដើរហែជាក្បួននៅតាមដងផ្លូវ នៃទីក្រុងសេអ៊ូល កាលពីថ្ងៃសៅរ៍ចុងសប្តាហ៍ជាប់គ្នាៗ ក្នុងការតវ៉ាប្រឆាំងលើកទីបួន ដែលវាជាការធ្វើបាតុកម្មជាសាធារណ:ដ៏ធំបំផុត ដែលពុំធ្លាប់មាននៅក្នុងប្រទេសនេះ ចាប់តាំងពីទសវត្សឆ្នាំ ១៩៨០ ៕

south-koreas-opposition-parties-move-towards-president-park-impeachment