បុគ្គលិកសណ្ឋា...

បុគ្គលិកសណ្ឋាគារកាំបូឌីយ៉ាណា ត្រូវរថយន្តបុកស្លាប់យ៉ាងអាណោចអាធ័ម

ចែកចាយបន្ត

ភ្នំពេញៈ បុរសម្នាក់ដែលជាបុគ្គលិកសណ្ឋាគារ កាំបូឌីយ៉ាណា ត្រូវបានរថយន្តម៉ាកតាកូម៉ា បុកពេញទំហឹង បណ្តាលឲ្យស្លាប់យ៉ាងអាណោចអាធ័ម កាលពីវេលាម៉ោង៥ទាបភ្លឺ ថ្ងៃទី២២ ខែវិច្ឆិកា ឆ្នាំ២០១៦ ស្ថិតនៅចំណុចផ្លូវ៦០ម៉ែត្រ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជយ័ រាជធានីភ្នំពេញ។

សពបុរសខាងលើមានកាតរបស់សណ្ឋាគារជាប់នឹងខ្លួន មានឈ្មោះ សួន សុភាព អាយុ៣០ឆ្នាំ ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញ ជនរងគ្រោះជិះម៉ូតូមួយគ្រឿងម៉ាក ហុងដាសេ១២៥ ពណ៌ខ្មៅ ពាក់ស្លាកលេខ កណ្តាល 1D- 9388 ចេញពីផ្ទះនៅឯខេត្តកណ្តាល ចូលមកភ្នំពេញបម្រុងនឹងចូលបម្រើការងារ លុះដល់ពាក់កណ្តាលផ្លូវត្រង់ចំណុចកើតហេតុ ស្រាប់តែមានរថយន្តមួយគ្រឿងម៉ាកតាកូម៉ា ពណ៌ទឹកមាស ពាក់ស្លាកលេខ ភ្នំពេញ 2Y-9321បើកបរពីជើងទៅត្បូង បានបើកមកបុកជនរងគ្រោះ ដែលកំពុងធ្វើដំណើរបញ្រ្ចាសទិសគ្នាពេញទំហឹង បណ្តាលឲ្យបុរសអ្នកជិះម៉ូតូដួលបាក់ក ស្លាប់គៀបជាប់ជាមួយម៉ូតូរបស់ខ្លួន ចំណែកអ្នកបើកបរ រថយន្តខាងលើបានបើកទ្វាររថយន្តគេចខ្លួនបាត់ស្រមោលបន្សល់ទុករថយន្តបង្កនៅនឹងកន្លែងកើតហេតុ ។

ក្រោយពេលកើតហេតុសមត្ថកិច្ចនគរបាលចរាចរណ៏ខណ្ឌមានជយ័និងនគរបាលចរាចរណ៏ជើងគោករាជនីភ្នំពេញបានចុះមកធ្វើការវាស់វែងនៅកន្លែងកើតហេតុនិងយករថយន្តនិងម៉ូតូទៅរក្សាទុកនៅការិយាលយ័ចរាចរណ៏រាជនីភ្នំពេញដើម្បីធ្វើការដោះស្រាយគ្នានៅពេលក្រោយ ចំណែកសពបុរសខាងលើសមត្ថកិច្ចកំពុងស្រាវជ្រាវរកក្រុមគ្រួសារសាច់ញាតិយកទៅធ្វើបុណ្យតាមប្រពៃណី៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

ចែកចាយបន្ត