បុរសជនជាតិចិន...

បុរសជនជាតិចិនម្នាក់ បានដេកស្លាប់នៅក្នុងបន្ទប់

ចែកចាយបន្ត

ភ្នំពេញៈ បុរស ជាជនជាតិចិនម្នាក់ បានដេកស្លាប់នៅក្នុងបន្ទប់ខ្លួនឯងដោយសង្ស័យថាគាំងបេះដូង ហើយត្រូវសាច់ញាតិប្រទះឃើញ បង្កការភ្ញាក់ផ្អើកដល់សមត្ថកិច្ចមូលដ្ឋាន កាលពីវេលាម៉ោង៧និង១៥នាទីយប់ ថ្ងៃទី២១ វិច្ឆិកា ឆ្នាំ២០១៦ នៅចំណុចក្រុមហ៊ុន ជីង ថាវ វិស្វកម្ម តុបតែងនិងសាងសង់ ដែលស្ថិតនៅដីឡូត៍មួយកន្លែង ក្នុងភូមិកន្ទោកខាងជើង សង្កាត់កន្ទោក ខណ្ឌពោធិសែនជ័យ។

សមត្ថកិច្ចបានប្រាប់ឲ្យដឹងថា សពនេះមានឈ្មោះ ស៊ី លាំងប៉ អាយុ៥៥ឆ្នាំ មុខរបរចាំមើលក្រុមហ៊ុនខាងលើ និងមានប្រពន្ធកូនប្រុស២នាក់នៅឯប្រទេសចិន។

តាមប្រភពពីសាច់ញាតិសព បានឲ្យដឹងថា ជនរងគ្រោះ គឺរស់នៅក្នុងក្រុមហ៊ុនតែម្នាក់ឯង ហើយជនរងគ្រោះជាមនុស្សចូលចិត្តផឹកស្រា និងមិនសូវពិសារបាយហើយនៅថ្ងៃកើតហេតុ គឺខាងក្រុមហ៊ុនបានទូរសព្ទមកជនរងគ្រោះ តែជនរងគ្រោះមិនបានលើកទូរសព្ទទេ ទើបនៅល្ងាចថ្ងៃកើតហេតុ ខាងក្រុមហ៊ុនក៏ដូចជាសាច់ញាតិនាំគ្នាមកមើលនៅក្រុមហ៊ុន ឡើងទៅបន្ទប់ស្នាក់នៅផ្ទាល់របស់ជនរងគ្រោះ បន្ទប់បើកភ្លើង ទូរទស្សន៍ និងម៉ាស៊ីនត្រជាក់ចោល ដល់ពេលបើកបន្ទប់ ក៏ស្រាប់តែឃើញជនរងគ្រោះដេកធ្លាក់ពីលើគ្រែស្លាប់ រុំភួយ​ និងខ្នើយគ្របមុខ។

ក្រោយពីឃើញដូច្នេះ សាច់ញាតិបានរាយការណ៍ ទៅសមត្ថកិច្ចមូលដ្ឋានប៉ុស្តិ៍នគរបាលកន្ទោក និងសមត្ថកិច្ចជំនាញមកពិនិត្យធ្វើកោសល្យវិច័យ ធ្វើកំណត់ហេតុ។ ក្រោយពីសមត្ថកិច្ចជំនាញពិនិត្យរួចបានបញ្ជាក់ថា សពពិតជាស្លាប់ដោយសារតែគាំងបេះដូងពិតប្រាកដមែន៕

ចែកចាយបន្ត