ប្តី​​ប្រមឹក​...

ប្តី​​ប្រមឹក​ ​ប្រើ​កាំបិត​ប៉័ងតោ​កាប់​ប្រហារ​ប្រពន្ធ​យ៉ាង​សាហាវ​ព្រៃផ្សៃ​

ចែកចាយបន្ត

កំពង់ស្ពឺៈ បុរស​ប្រមឹក​ម្នាក់​ បាន​ប្រើ​កាំបិត​បុ័ងតោ ​កាប់​ប្រហារ​ប្រពន្ធ​យ៉ាង​សាហាវ​បំផុត ​បណ្តាល​ឲ្យ​រង​របួស​ធ្ងន់ ​ត្រូវ​បាន​កម្លាំង​នគរបាល​ឃាត់ខ្លួន​ ដើម្បី​កសាង​សំណុំរឿង​តាម​នីតិវិធី​ច្បាប់​។
ករណី​អំពើហិង្សា​នេះ ​បាន​កើតមានឡើង​កាលពី​រសៀល​ថ្ងៃទី​២១ ខែវិច្ឆិកា ឆ្នាំ​២០១៦ វេលា​ម៉ោង​៥និង​៣០​នាទីល្ងាច ក្នុងភូមិ​ត្រពាំង​គង ឃុំ​ត្រពាំង​គង ស្រុក​សំរោង​ទង ខេត្តកំពង់ស្ពឺ​។

សមត្ថកិច្ចបាន​ឲ្យ​ដឹងថា​ បុរសប្រមឹក​​ដែល​ប្រើ​ហិង្សា​កាប់​លើ​ប្រពន្ធ​យ៉ាង​សាហាវ មានឈ្មោះ ភី ចាន់​ថៃ អាយុ​៣៩​ឆ្នាំ ​​។​ ចំណែក​ជនរងគ្រោះ​ជា​ប្រពន្ធ​មានឈ្មោះ ជី សុខា​ជា អាយុ​៣៦​ឆ្នាំ រងរបួស​ត្រង់​ត្រចៀក​ខាងឆ្វេង ​ដើមដៃ​ខាងស្ដាំ និង​រងរបួស​ស្មា​ខាងស្ដាំ​ជា​ទម្ងន់ ត្រូវបាន​បញ្ជូនទៅ​ព្យាបាល​នៅមន្ទីរពេទ្យ​ទទឹង​។

សមត្ថកិច្ច​ បានបន្ដថា​ ជនរងគ្រោះ បាន​ប្តឹង​ទៅលើ​ប្តី​របស់ខ្លួន​រួចហើយ ​ហើយ​ជនសង្ស័យ​បាន​ឆ្លើយ​សារភាពថា ​ខ្លួន​ពិតជា​បាន​យក​កាំបិត​បុ័ងតោ​កាប់​ទៅ​ប្រពន្ធ​របស់ខ្លួន​ពិតប្រាកដ​មែន​។​ សមត្ថកិច្ច​ បានបញ្ជាក់ថា​ ជនសង្ស័យ​ជា​ម​នុស្ស​ប្រមឹកនោះមាន​ជំងឺ​សរសៃប្រសាទ​ប្រចាំ​កាយ​ ទើប​យក​កាំបិត​បុ័ង​តោ​កាប់​ប្រហារ​យ៉ាង​សាហាវ​តែម្ដង​។ ​ករណីនេះ កម្លាំងជំនាញ​បាន​កសាង​សំណុំរឿង​បញ្ជូន​ទៅ​ការិយាល័យ​ប្រឆាំង​ការជួញដូរ​មនុស្ស ​និង​ការពារ​អនីតិជន ដើម្បី​ចាត់​តាម​នីតិវិធី​៕

ប្តីប្រមឹកកាប់ប្រពន្ធ

ប្តីប្រមឹកកាប់ប្រពន្ធ

ប្តីប្រមឹកកាប់ប្រពន្ធ

ប្តីប្រមឹកកាប់ប្រពន្ធ

ចែកចាយបន្ត