រដ្ឋាភិបាលវៀត...

រដ្ឋាភិបាលវៀតណាម ធ្វើការផាកពិន័យស្ថាប័នព័ត៌មានក្នុងស្រុក បន្ទាប់ពីផ្សាយព័ត៌មានបង្ខូចទឹកត្រីមានជាតិពុល

0
ចែកចាយបន្ត

វៀតណាមៈ កាលពីថ្ងៃចន្ទ រដ្ឋាភិបាលវៀតណាម បានធ្វើការពិន័យជាប្រាក់ដល់ប្រព័ន្ធផ្សព្វផ្សាយក្នុងស្រុកចំនួន ៥០ ស្ថាប័ន បន្ទាប់ពីចេញផ្សាយរបាយការណ៍បង្ខូចអំពី ទឹកត្រីមានជាតិពុល ដែលបង្កឲ្យប្រជាពលរដ្ឋ ក្នុងប្រទេស មានការភ័យខ្លាចជាខ្លាំង ចំពោះការទទួលអាហារ។ នេះបើយោងតាមរយៈ សារព័ត៌មាន straitstimes ចេញផ្សាយនៅថ្ងៃទី២២ ខែវិច្ឆិកា ឆ្នាំ២០១៦។

ការចេញផ្សាយនេះ បានផុសឡើងនៅពាក់កណ្តាលខែតុលាថា ទឹកត្រីមានជាតិអាសេនិចកម្រិតខ្ពស់ ជាសារធាតុធ្វើឲ្យមានគ្រោះថ្នាក់យ៉ាងធ្ងន់ធ្ងរដល់សុខភាព ដែលរឿងរ៉ាវនេះ បានបង្កការភ័យខ្លាចរីករាលដាល កាន់តែខ្លាំងដល់ប្រជាជន ៩៣ លាននាក់ នៅក្នុងប្រទេសវៀតណាម ដែលបានប្រើប្រាស់ទឹកត្រីប្រចាំថ្ងៃ សម្រាប់ធ្វើម្ហូបអាហារដូចជា ស្ល ទឹកជ្រលក់ និងទឹក marinade ជាដើម។

ស្ថាប័នព័ត៌មានទាំងនោះ ត្រូវបានផាកពិន័យជាទឹកប្រាក់ចាប់ពី៤៥០ ដល់ ២២០០ ដុល្លារ ដោយក្នុងនោះ ស្ថាប័នព័ត៌មាន Thanh Nien រងការផាកពិន័យច្រើនជាងគេដល់ទៅ ៩០០០ ដុល្លារឯណ្ណោះ៕

vietnam-food-safety-media

ចែកចាយបន្ត