ឆក់កាបូបជនបរទ...

ឆក់កាបូបជនបរទេសមិនសម្រេចចាប់ខ្លួនបានម្នាក់ ចំណែកម្នាក់ទៀតគេចខ្លួនបាត់

1
ចែកចាយបន្ត

ភ្នំពេញៈ ជនសង្ស័យម្នាក់ក្នុងចំណោមបក្ខពួក២នាក់ ត្រូវបានកម្លាំងនគរបាលប៉ុស្តិ៍បឹងកេងកងទី៣ ធ្វើការឃាត់ខ្លួន ក្រោយពីពួកគេជិះម៉ូតូមួយគ្រឿងនាំគ្នាធ្វើសកម្មភាពឆក់កាបូបពីស្ត្រីជនបរទេសម្នាក់ ដែលទើបតែនាំគ្នាចុះពីម៉ូតូរម៉កកង់បីមានគ្នាពីនាក់ដើររកកន្លែងហូបបាយនោះ។ ករណីនេះដែរបានកើតឡើងកាលពីវេលាម៉ោង១២និង៤៥នាទី ថ្ងៃទី២២ ខែវិច្ឆិកា ឆ្នាំ២០១៦ នៅតាមបណ្តោយផ្លូវលេខ៣៥០ ក្នុងសង្កាត់បឹងកេងកងទី៣ ខណ្ឌចំការមន រាជធានីភ្នំពេញ។

តាមប្រភពព័ត៌មានពីនគរបាលបានប្រាប់ឱ្យដឹងថា ជនសង្ស័យដែលបានឃាត់ខ្លួនមានឈ្មោះ ប៉ែន សត្យា អាយុ១៨ឆ្នាំ មុខរបមិនពិតប្រាកដ មានទីលំនៅម្តុំផ្សារអូរឬស្សី ក្នុងខណ្ឌ៧មករា និងបក្ខពួកម្នាក់ទៀតមានឈ្មោះ អាញ៉ាញ់ បានរត់គេចខ្លួនបាត់ស្រមោល។

មុនពេលកើតហេតុ ស្ត្រីជាជនជាតិអូស្ត្រាលី២នាក់បាននាំគ្នាជិះម៉ូតូរម៉កកង់បីមួយគ្រឿង ក្នុងបំណងមកដើរទស្សនានៅគុកទួលស្លែង លុះមកដល់ចំណុចកើតហេតុខាងលើពួកនាងក៏បានប្រាប់បានម៉ូតូរម៉កកង់បីឈប់។ពួកនាងក៏នាំគ្នាដើររកកន្លែងចូលរកទិញអាហារហូបសិន ក៏ស្រាប់តែលេចមុខក្រុមជនសង្ស័យទាំង២នាក់ជិះម៉ូតូម៉ាកនិច ពណ៌ក្រហមលាយស ពាក់ស្លាកលេខ ភ្នំពេញ 1FU-3318 មួយគ្រឿងមកធ្វើសកម្មភាពឆក់យកកាបូបដៃពីស្ត្រីជនបរទេសម្នាក់បាន ហើយជិះរត់ក៏ដួល និងត្រូវបានប្រជាពលរដ្ឋចាប់បាន និងប្រគល់ទៅឲ្យកម្លាំងនគរបាលប៉ុស្តិ៍បឹងកេងកងទី៣តែម្តង។

ក្រោយពេលកើតហេតុ កាបូបដៃនោះត្រូវបានប្រគល់ទៅឲ្យស្ត្រីជនជាតិអូស្ត្រាលីរងគ្រោះវិញ ចំណែកឯជនសង្ស័យត្រូវបានសមត្ថកិច្ចនាំខ្លួនមកកាន់ប៉ុស្តិ៍នគរបាលបឹងកេងកង ដើម្បីធ្វើការសាកសួរនិងកំណត់ហេតុបញ្ជូនទៅកាន់អធិការដ្ឋាននគរបាលខណ្ឌចំការមនចាត់ការទៅតាមផ្លូវច្បាប់ជាបន្តទៅទៀត៕

ចោរឆក់កាបូប

ចោរឆក់កាបូប

ចោរឆក់កាបូប

ចោរឆក់កាបូប

ចោរឆក់កាបូប

ចោរឆក់កាបូប

ចែកចាយបន្ត