Update៖ ចោរឆក...

Update៖ ចោរឆក់អស់ផ្លូវ ត្រូវសមត្ថកិច្ចក្របួចជាប់

ចែកចាយបន្ត

ភ្នំពេញៈ ជនសង្ស័យម្នាក់ជិះម៉ូតូឌ្រីមសង់សេ១២៥ គ្មានស្លាកលេខ ត្រូវបានមហាជនដេញតាមឃាត់ខ្លួនប្រគល់ជូននរគបាលប៉ុស្តិ៍ដេប៉ូ២ បន្ទាប់ពីបានធ្វើសកម្មភាពឆក់កាបូបជនជាតិចិនដែលជិះរ៉ឺម៉កកង់បីមិនបានសម្រេច នៅចំណុចខាងមុខមន្ទីរព្យាបាលធ្មេញភ្នំពេញ ផ្លូវកម្ពុជាក្រោម សង្កាត់ដេប៉ូ២ ខណ្ឌទួលគោក រាជធានីភ្នំពេញ កាលពីវេលម៉ោង២និង៤៥នាទីរសៀល ថ្ងៃទី២២ ខែវិច្ឆិកា ឆ្នាំ២០១៦។

សមត្ថកិច្ចឲ្យដឹងថា ជនសង្ស័យមានឈ្មោះ ស៊ីម សុផល ភេទប្រុស អាយុ២៤ឆ្នាំ មុខរបរមិនពិតប្រាកដ ជនជាតិខ្មែរ ស្នាក់នៅផ្ទះជួលលេខ២៣ ម្តុំស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ដែលជិះម៉ូតូឌ្រីមសង់ សេ១២៥ សេរី២០១៧ ពណ៌ខ្មៅ គ្មានស្លាកលេខ បានបដិសេធដោយសំអាងថាគ្មានជនរងគ្រោះមកធ្វើការប្តឹង និងគ្មានភស្តុតាងដោយខ្លួនឆក់មិនបានសម្រេចនៅនរគបាលប៉ុស្តិ៍ដេប៉ូ២។ តែដោយឡែកនរគបាលប៉ុស្តិ៍ បានស្វែងរកសាក្សីនៅជុំវិញកន្លែងកើតហេតុនៅតាមផ្លូវ១២៥ មានអ្នករត់ម៉ូតូ រត់រ៉ឺម៉កកង់បី និង អ្នកដែលឃើញហេតុការច្បាស់បានអះអាង ដើម្បីដាក់បន្ទុកទៅលើជនសង្ស័យដែលប្រព្រឹត្តបទល្មើសហើយត្រូវបានឃាត់ជូនសមត្ថកិច្ចចាត់ការនឹងផ្តន្ទាទោសទៅតាមផ្លូវច្បាប់។

យោងទៅតាមសាក្សីឃើញហេតុការបានប្រាប់ឲ្យដឹងថា ឃើញជនជាតិចិនចំនួន២នាក់ដែលជិះរ៉ឺម៉កកង់បីតាមបណ្តោយផ្លូវកម្ពុជាក្រោមពីលិចទៅកើត មកដល់ចំណុចខាងមុខមន្ទីរព្យាបាលធ្មេញភ្នំពេញ​ ស្រាប់តែជនសង្ស័យជិះម៉ូតូឌ្រីមសង់សេរី០១៦ ពណ៌ខ្មៅតែម្នាក់បានធ្វើសកម្មភាពឆក់កាបូបស្ពាយរបស់ស្ត្រីជនជាតិចិនដែលស្ពាយនៅខាងស្តាំដៃយ៉ាងសង្ហា ហើយត្រូវបានរ៉ឺម៉កកៀរដួលម៉ូតូភ្លាមៗផងដែរ។ បន្ទាប់មកជនសង្ស័យក៏ផ្តួលម៉ូតូរត់ត្រឡប់ទៅខាងក្រោយវិញក៏ត្រូវបានមហាជនឃើញហេតុការណ៍ដេញចាប់បានប្រគល់ជូនសមត្ថកិច្ចតែម្តង ។ ដោយឡែក នារីជនជាតិចិនដែលជិះលើរ៉ឺម៉កមិនមានការបាត់បង់របស់ក៏បានបន្តដំណើរទៅបាត់ដោយមិនបានដាក់បណ្តឹងនៅប៉ុស្តិ៍នរគបាលដេប៉ូ២ឡើយ។

បច្ចុប្បន្ន ជនសង្ស័យ និងម៉ូតូ ត្រូវបានឃុំខ្លួនបណ្តោះអាសន្ននៅប៉ុស្តិ៍នរគបាលដេប៉ូ២ ដើម្បីកសាងសំណុំរឿងចាត់ការទៅតាមនីតិវិធី៕

ករណីឆក់

ករណីឆក់

ករណីឆក់

ករណីឆក់

ករណីឆក់

photo_2016-11-22_16-38-58

photo_2016-11-22_16-39-02

photo_2016-11-22_16-39-15

photo_2016-11-22_16-39-24

ចែកចាយបន្ត