គម្រោងសួនច្បា...

គម្រោងសួនច្បារតាមបណ្តោយច្រាំងទន្លេ ពីផ្សាររាត្រីដល់ស្ពានជ្រោយចង្វារ នឹងចាប់ផ្តើមឆាប់ៗនេះ

ចែកចាយបន្ត

គម្រោងសួនច្បារ និងផ្លូវថ្មើរជើង ប្របតាមមាត់ទន្លេពីចំណុចផ្សាររាត្រីដល់ស្ពានជ្រោយចង្វារ អាចនឹងចាប់ផ្តើមក្នុងពេលឆាប់ៗខាងមុខនេះ ដែលនៅថ្ងៃនេះ សាលារាជធានីភ្នំពេញ បាននិងកំពុងចុះត្រួតពិនិត្យ និងសិក្សាបន្ថែម។ នេះបើយោងតាមគេហទំព័រ មន្ទីរសាធារណការ និងដឹកជញ្ជូនរាជធានីភ្នំពេញ ចេញផ្សាយប្រមាណជា ១ម៉ោងមុននេះ។

បន្ទាប់ពីផ្លូវថ្មើរជើង ប្របមាត់ទន្លេ តភ្ជាប់ពីមុខព្រះបរមរាជវាំង រហូតដល់ស្ពានភ្លោះកោះពេជ្រ ត្រូវបានសាងសង់រួចរាល់កាលពីពេលថ្មីៗនេះ សាលារាជធានីភ្នំពេញ នឹងចាប់ផ្តើមសាងសង់គម្រោងសួនច្បារចាប់ពីផ្សារចាស់រហូតដល់ស្ពានជ្រោយចង្វារ ហើយគម្រោងបន្ទាប់ អាចនឹងធ្វើឡើងចាប់ពីស្ពានជ្រោយចង្វាររហូតដល់ស្ពានព្រះមុនីវង្ស។

ការសាងសង់សួនច្បារ និងផ្លូវថ្មើរជើងប្របមាត់ទន្លេនេះ គឺសម្រាប់ប្រជាពលរដ្ឋកម្ពុជា ភ្ញៀវជាតិ-អន្តរជាតិ អាចដើរកម្សាន្តតាមបណ្តោយមាត់ទន្លេ ស្រូបយកខ្យល់អាកាសបរិសុទ្ធ ជាពិសេសគឺ កាត់បន្ថយការកកស្ទះចរាចរណ៍ នៅពេលមានមនុស្សច្រើនចូលរួមពិធីបុណ្យធំៗ។

គួរបញ្ជាក់ដែរថា ដោយមើលឃើញពីសក្តានុពលនៃផ្សាររាត្រីភ្នំពេញ សាលារាជធានីភ្នំពេញ គ្រោងនឹងកែលម្អសោភ័ណភាពនៃផ្សាររាត្រីនេះ ឲ្យក្លាយទៅជាតំបន់ផ្សារទេសចរណ៍ ដើម្បីទាក់ទាញភ្ញៀវជាតិ-អន្តរជាតិផងដែរ៕

15230580_644032962445134_5512309393855149053_n 15202719_644032925778471_3633072133907525392_n 15095059_644032989111798_8444083152613748806_n 13920971_1082131085156629_8768689525700505761_n

ចែកចាយបន្ត