Post News Media ព័ត៌មានសេដ្ឋកិច្ច ស្តេចអារ៉ាប៊ី...

ស្តេចអារ៉ាប៊ីសាអូឌីត ចាប់ផ្តើមគម្រោងឧស្សាហកម្ម ៩២ពាន់លានដុល្លារ ការពារសេដ្ឋកិច្ចផុយស្រួយ

ចែកចាយបន្ត

សេ្តចអារ៉ាប៊ីសាអូឌីត Salman bin Abdulaziz Al Saud បានចាប់ផ្តើមដំណើរការគម្រោងឧស្សាហកម្មខ្នាតយក្ស ដែលមានតម្លៃប្រមាណ ៩២ពាន់លានដុល្លារអាមេរិក នៅតំបន់ភាគខាងកើត ដើម្បីការពារសេដ្ឋកិច្ចដ៏ផុយស្រួយ ដោយតម្លៃប្រេងធ្លាក់ចុះ។ នេះបើយោងតាមសារព័ត៌មាន Xinhua។

សេ្តចអារ៉ាប់ បានចាប់ផ្តើមគម្រោងរុករករ៉ែនៅទីក្រុងឧស្សាហកម្ម Ras Al Khair ដែលមានតម្លៃប្រមាណ ៣៤.៦ពាន់លានដុល្លារអាមេរិក ហើយនឹងគម្រោងឧស្សាហកម្មជាច្រើនទៀត នៅទីក្រុងឧស្សាហកម្ម Al-Jubail ដែលមានទឹកប្រាក់វិនិយោគប្រមាណ ៥៧.៦ពាន់លានដុល្លារអាមេរិក។

យ៉ាងណាមិញ គម្រោងទាំងអស់នេះ នឹងជួយដល់ផលិតផលក្នុងស្រុកសរុប ប្រមាណជាង ៦៤ពាន់លានដុល្លារទៅហើយ ហើយការបោះជំហានដ៏ធំនេះគឺជា យុទ្ធនាការកាត់បន្ថយចំណាយទូទាំងប្រទេស ដើម្បីការពារសេដ្ឋកិច្ចដ៏ផុយស្រួយពី ការធ្លាក់ចុះថ្លៃប្រេងលើទីផ្សារអន្តរជាតិ។

គួរជម្រាបផងដែរថា តាមការព្យាករណ៍របស់អង្គការមូលនិធិរូបិយវត្ថុអន្តរជាតិ IMF ប្រទេសអារ៉ាប៊ីសាអូឌីត អាចនឹងជួបបញ្ហាសេដ្ឋកិច្ចក្នុងរយ:ពេល ៥ឆ្នាំខាងមុខទៀត ព្រោះប្រទេសនេះ ពឹងផ្អែកលើការរកប្រាក់ចំណូលពីផលិតផលប្រេងរហូតដល់ជាង ៩០ភាគរយ៕

ccrbeee005021_20161129_crmfn0a001_11n

ចែកចាយបន្ត