Post News Media ព័ត៌មានសេដ្ឋកិច្ច ភ្នំពេញ កកស្ទ...

ភ្នំពេញ កកស្ទះចរាចរ ដោយសារយានជំនិះជាង ២លានគ្រឿង កំពុងធ្វើចរាចរចេញចូល

ចែកចាយបន្ត

យានយន្តប្រមាណជា ៤សែនគ្រឿង និងទោចក្រយានយន្ត ១លាន៤សែនគ្រឿង និងមានរថយន្តតាមបណ្តាខេត្តប្រមាណជា ៣សែនគ្រឿងទៀត កំពុងធ្វើចរាចរចេញចូលក្នុងភូមិសាស្រ្តរាជធានីភ្នំពេញ ជាមូលហេតុធ្វើឲ្យមានបញ្ហាកកស្ទះចរាចរកើតមានឡើង។ នេះបើយោងតាមគេហទំព័ររបស់លោក ប៉ា សុជាតិវង្ស អភិបាលនៃគណ:អភិបាលរាជធានីភ្នំពេញ ចេញផ្សាយកាលពីម្សិលមិញនេះ។

កត្តាដែលបណ្តាលឲ្យមានការកកស្ទះចរាចរគឺ:

ទី១ ហេដ្ឋារចនាសម្ព័ន្ធផ្លូវថ្នល់នាពេលបច្ចុប្បន្ន សាកសមសម្រាប់រថយន្តប្រមាណ ១០ម៉ឺនគ្រឿង តែជាក់ស្តែងគឺមានរហូតដល់ ៤០ម៉ឺនគ្រឿង ហើយផ្លូវជាច្រើនខ្សែត្រូវខូចខាត កំពុងស្ថិតក្រោមការជួសជុល។

ទី២ ការកើនឡើងនៃការប្រើប្រាស់រថយន្តជារៀងរាល់ឆ្នាំ អាចបង្កឲ្យមានការកកស្ទះផងដែរ ជាពិសេសការនាំចូលរថយន្តប្រើប្រាស់រួច ក្នុង១ឆ្នាំ ប្រមាណ ៥ម៉ឺនគ្រឿង។

ទី៣ អ្នកបើកបរទាំងអស់ គឺទាមទារឲ្យចេះច្បាប់ចរាចរ គោរពច្បាប់ ចេះយោគយល់អធ្យាស្រ័យ និងចាត់វិធានការផាកពិន័យឲ្យមានប្រសិទ្ធិភាព។

គួរបញ្ជាក់ដែរថា បញ្ហាកកស្ទះចរាចរណ៍ ក្នុងរាជធានីភ្នំពេញ ធ្វើឲ្យខាតបង់ប្រមាណ ២០លានដុល្លារអាមេរិកក្នុង១ឆ្នាំ ដោយសារការបញ្ជេះថាមពល ប្រេងសាំងចោល៕

15170785_1173554372680966_4352263197929992335_n