Post News Media ព័ត៌មានសេដ្ឋកិច្ច អេស៊ីលីដា បោះ...

អេស៊ីលីដា បោះទុនជាង ៣៧លានដុល្លារ សង់វិទ្យាស្ថានស្តង់ដាអន្តរជាតិ

ចែកចាយបន្ត

វិទ្យាស្ថាន ពាណិជ្ជសាស្ត្រ អេស៊ីលីដា ជាក្រុមហ៊ុនបុត្រសម្ព័ន្ធរបស់ ធនាគារ អេស៊ីលីដា ភីអិលស៊ី បានប្រារព្ធពិធីបញ្ចុះបឋមសិលាសាងសង់អគារវិទ្យាស្ថានផ្ទាល់ខ្លួន ដែលគម្រោងនេះ នឹងចំណាយទុនវិនិយោគប្រមាណ ៣៧លានដុល្លារអាមេរិក​ និងបញ្ចប់ការសាងសង់នៅឆ្នាំ ២០១៨ខាងមុខនេះ។ នេះបើយោងតាមការចេញផ្សាយរបស់គេហទំព័រ ធនាគារ អេស៊ីលីដា។

អគារវិទ្យាស្ថានផ្ទាល់ខ្លួនរបស់វិទ្យាស្ថានពាណិជ្ជសាស្ត្រអេស៊ីលីដា នឹងសាងសង់ឡើងលើផ្ទៃដីកម្មសិទ្ធិផ្ទាល់ទំហំ ៧.៥៧ហិកតា ដែលសរុបមាន ៦អគារ រួមមាន អគារសិក្សា អគាររដ្ឋបាល អគារបណ្ណាល័យ អគារអន្តេវាសិកដ្ឋានសម្រាប់សិស្សនិស្សិត អគារសម្ភារបរិក្ឋារ

លើសពីនេះទៅទៀត គម្រោងនេះក៏មាន ទីលានកីឡា​បាល់ទាត់ បាល់ទះ បាល់បោះ និងហេដ្ឋារចនាសម្ព័ន្ធផ្សេងៗទៀត នៅក្នុងវិទ្យាស្ថានទាំងមូល ដែលមានសមត្ថភាពអាចផ្តត់ផ្គង់កន្លែងធ្វើការដល់ បុគ្គលិក និងសាស្ត្រចារ្យចំនួនជាង ៦០០នាក់ ទទួលនិស្សិតប្រមាណជិត ៣ពាន់នាក់។​

លោក ឆន ពន្លឺ នាយកវិទ្យាស្ថាន ពាណិជ្ជសាស្ត្រ អេស៊ីលីដា​បានមានប្រសាសន៍ថា ការសាងសង់អគារវិទ្យាស្ថាននេះ បង្ហាញពីការប្តេជ្ញាចិត្តខ្ពស់របស់វិទ្យាស្ថាន ដើម្បីរួមចំណែកជាមួយរាជរដ្ឋាភិបាលកម្ពុជា ក្នុងការអប់រំ និងបណ្ដុះបណ្តាលធនធានមនុស្ស លើដេប៉ាតឺម៉ង់គ្រប់គ្រងពាណិជ្ជកម្ម មុខជំនាញ ហិរញ្ញវត្ថុ និងធនាគារ ដើម្បីឆ្លើយតបទៅនឹង តម្រូវការនៃការអភិវឌ្ឍសមត្ថភាពវិជ្ជាជីវ:លើ វិស័យធនាគារ និងហិរញ្ញវត្ថុដល់សិស្ស-និស្សិត អង្គការជាតិ និងអន្តរជាតិទាំងក្នុង និងក្រៅប្រទេស ប្រកបដោយគុណភាពខ្ពស់ស្តង់ដាអន្តរជាតិ។

គួរបញ្ជាក់ថា គម្រោងនេះ មានទីតាំងស្ថិតនៅភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ៕

ចែកចាយបន្ត