Post News Media ព័ត៌មានសេដ្ឋកិច្ច ផ្លូវបេតុងលេខ...

ផ្លូវបេតុងលេខ ២០១៥ តភ្ជាប់ពីផ្លូវវេងស្រេងទៅផ្លូវជាតិលេខ៣ សាងសង់បាន ៩២ភាគរយ

ចែកចាយបន្ត

ផ្លូវបេតុងលេខ ២០១៥ ទទឹង ១១ម៉ែត្រ ប្រវែងជិត ៦គីឡូម៉ែត្រ តភ្ជាប់ពីផ្លូវវេងស្រេង ទៅផ្លូវជាតិលេខ ៣ សាងសង់បាន ៩២ភាគរយហើយ។ នេះបើយោងតាមការចេញផ្សាយរបស់មន្ទីរសាធារណការ និងដឹកជញ្ជូនរាជធានីភ្នំពេញ។

គម្រោងស្ថាបនាផ្លូវថ្មី ប្រវែង ៥,៥០៥ម៉ែត្រ ទទឹង ១១ម៉ែត្រ បេតុងកម្រាស់ ២០សង់ទីម៉ែត្រ គឺតភ្ជាប់ ភូមិទួលពង្រ ដល់ផ្លូវជាតិលេខ ៣ រីឯផ្លូវពីភូមិទួលពង្រ ដល់ផ្លូវវេងស្រេង បានស្ថាបនារួចរាល់ហើយ ដែលមានប្រវែង ២គីឡូម៉ែត្រ ទទឹង ១១ម៉ែត្រ។

គម្រោងនេះ គឺស្ថិតក្នុងផែនការដោះស្រាយបន្ថយការកកស្ទះចរាចររង្វង់មូលចោមចៅ របស់សាលារាជធានីភ្នំពេញ ហើយសាលារាជធានីភ្នំពេញ ស្នើសុំការយោគយល់អធ្យាស្រ័យពី សំណាក់ប្រជាពលរដ្ឋ ចំពោះសកម្មភាពការដ្ឋាន និងសកម្មភាពផ្សេងៗ៕