Post News Media ព័ត៌មានសេដ្ឋកិច្ច ក្នុងឆ្នាំ ២០...

ក្នុងឆ្នាំ ២០១៦ ឡានក្រុង ៣ខ្សែ បម្រើដល់អ្នកដំណើរជាង ២លាននាក់

ចែកចាយបន្ត

គិតចាប់ពីខែមករា ដល់ វិច្ឆិកា ឆ្នាំ ២០១៦ សេវារថយន្តក្រុងសាធារណ: បានប្រើដល់អ្នកដំណើរជាង ២លាននាក់ ដែលអ្នកដំណើរបង់ប្រាក់មានប្រមាណ ១លាន៣សែននាក់។ នេះបើយោងតាមការឲ្យដឹងពីគេហទំព័ររបស់លោក ប៉ា សុជាតិវង្ស អភិបាលរាជធានីភ្នំពេញ។

ក្នុងនោះដែរ អ្នកដំណើរមិនបង់ប្រាក់មានប្រមាណ ៨សែននាក់ រួមមានព្រះសង្ឃ សិស្ស និស្សិត ជនពិការ កុមារកម្ពស់ក្រោម ១ម៉ែត្រ និងចាស់ជរា។

ខ្សែរថយន្តទាំង ៣ខ្សែ ប្រើប្រាស់រថយន្តសរុប ៥៧គ្រឿង ទទួលអ្នកដំណើរជាមធ្យមជាង ៦ពាន់នាក់ ក្នុងមួយថ្ងៃ តែយ៉ាងណាមិញ រថយន្ត ១៤គ្រឿង ត្រូវបានត្រៀមបម្រុងជំនួសឡានដែលខូច។

សាលារាជធានីភ្នំពេញ នឹងបន្តខិតខំពង្រឹងការគ្រប់គ្រង ឲ្យមានប្រសិទ្ធភាព និងផ្តល់សេវាឲ្យបានល្អជាងនេះ ជាពិសេសគឺ ពង្រីកខ្សែរត់បន្ថែមឲ្យដល់ ១០ខ្សែ ដើម្បីផ្តល់ភាពងាយស្រួល សម្រាប់ការធ្វើដំណើររបស់ប្រជាពលរដ្ឋ ក៏ដូចជាភ្ញៀវទេសចរណ៍។

គួររម្លឹកដែរថា សាលារាជធានីភ្នំពេញ បានសិក្សាជាមួយធនាគារឯកទេស វីង ពីគម្រោងរៀបចំ ម៉ាស៊ីនឆូតកាតតាមរថយន្តក្រុងសាធារណ: ដែលនឹងអាចដាក់ដំណើរការនាពេលឆាប់ៗនេះ៕