Post News Media ព័ត៌មានសេដ្ឋកិច្ច ប័ណ្ណព្រំដែន ...

ប័ណ្ណព្រំដែន នឹងសម្រួលដល់ការឆ្លងកាត់របស់ប្រជាជនកម្ពុជា-ឡាវ

ចែកចាយបន្ត

ប្រទេសកម្ពុជា និងឡាវ នឹងមានប័ណ្ណព្រំដែន ដែលអនុញ្ញាតិឲ្យប្រជាជននៃប្រទេសទាំងពីរ ឆ្លងកាត់ទៅមកកាន់តែងាយស្រួល។ នេះបើយោងតាមការឲ្យដឹងពីគេហទំព័ររបស់សម្តេចតេជោ ហ៊ុន សែន នាយករដ្ឋមន្ត្រីព្រះរាជាណាចក្រកម្ពុជា ចេញផ្សាយនៅថ្ងៃនេះ។

ប័ណ្ណព្រំដែននេះ នឹងប្រើប្រាស់ជាឯកសារផ្លូវការ សម្រាប់ការចេញចូលឆ្លងកាត់ព្រំដែនរបស់ប្រជាជន ហើយប័ណ្ណនេះ​ នឹងចាប់ផ្តើមប្រើប្រាស់ចាប់ពីខែ មករា ឆ្នាំ ២០១៧នេះតទៅ។

ការបើកឲ្យប្រើច្រកទ្វារត្រួតពិនិត្យព្រំដែនរវាង ត្រពាំងក្រៀល-ស្ទឹងត្រែង និង ណងណុកខៀន-ចម្ប៉ាសាក់ គឺបង្ហាញពីការរីកចម្រើនថ្មីមួយ ក្នុងទំនាក់ទំនងទ្វេភាគីរវាងប្រទេសទាំងពីរ ព្រមទាំងសម្រួលដល់ពាណិជ្ជកម្មតាមព្រំដែន ទេសចរ និងការតភ្ជាប់រវាងប្រទេសទាំងពីរ។

កម្ពុជា ក៏បានគាំទ្រប្រទេសឡាវ ក្នុងការកសាងទំនប់វារីអគ្គិសនីដនសាហុង ហើយឡាវក៏បានសន្យាលក់ថាមពលអគ្គិសនីតម្លៃថោកសមរម្យ​ មកឲ្យកម្ពុជា ដើម្បីអភិវឌ្ឍន៍ខេត្តមួយចំនួននៅតាមព្រំដែន។

គួរបញ្ជាក់ដែរថា ប្រទេសទាំងពីរក៏មានការផ្តល់អាហារូបករណ៍ដល់និស្សិត ដែលពីមុនមានចំនួនតែ ១០នាក់ ក្នុង១ឆ្នាំ ឡើងដល់ ១៥នាក់ក្នុង១ឆ្នាំ និងសម្រេចតម្លើងតម្លៃអាហារូបករណ៍ពី ១៥០ដុល្លារ មក ១៨០ដុល្លារអាមេរិកក្នុង១ខែ៕

ចែកចាយបន្ត