Post News Media ព័ត៌មានសេដ្ឋកិច្ច គម្រោង The Br...

គម្រោង The Bridge វិនិយោគទុនជាង ៣០០លានដុល្លារ គ្រោងនឹងបញ្ចប់នៅឆ្នាំ ២០១៨

ចែកចាយបន្ត

គម្រោង The Bridge ដែលបោះទុនវិនិយោគជាង ៣០០លានដុល្លារអាមេរិក គ្រោងនឹងបញ្ចប់នៅឆ្នាំ ២០១៨ខាងមុខនេះ ខណ:បច្ចុប្បន្ន គម្រោងនេះសាងសង់ដល់ជាន់ទី ៤៥ ដែលជាជាន់ចុងក្រោយគេ។ នេះបើយោងតាមសេចក្តីប្រកាសនៅលើគេហទំព័រហ្វេសប៊ុករបស់ក្រុមហ៊ុន Oxley Worldbridge Cambodia Co., Ltd។

The Bridge ត្រូវបានវិនិយោគដោយក្រុមហ៊ុនសិង្ហបុរី Oxley International Pte Ltd និងក្រុមហ៊ុនក្នុងស្រុក Worldbridge Land (Cambodia)Co., Ltd ជាបណ្តុំអគារពាណិជ្ជកម្ម ដែលមាន អគារខុនដូ ៧៣៣ឯកតា អគារការិល័យ ៩៦៣ឯកតា និងផ្សារទំនើបចំនួន ៥ជាន់ បានលក់អស់ហើយ។

លោកឧកញ៉ា សៀ ឫទ្ធី ប្រធានក្រុមប្រឹក្សាភិបាលនៃក្រុមហ៊ុន Worldbridge Land បានមានប្រសាសន៍ថា គម្រោង The Bridge ជាគម្រោងទី ១នៅស្រុកខ្មែរយើង ដែលធ្វើទៅតាមកិច្ចសន្យា និងទាន់ផែនការដូចដែលបានសន្យាជូនអតិថិជន។

បន្ថែមលើនេះទៅទៀតអគារ The Bridge នឹងបំពាក់រចនាបទខាងក្នុងនៅឆ្នាំ ២០១៧នេះ ដោយអតិថិជនអាចចូលមកស្នាក់នៅនៅឆ្នាំ ២០១៨ខាងមុខនេះបាន។

គួរបញ្ជាក់ផងដែរថា The Bridge សាងសង់លើផ្ទៃក្រឡា ១០,០៩០ម៉ែត្រការ៉េ  និងមានទីតាំងនៅ

សង្កាត់ទន្លេបាសាក់ ខណ្ឌចំការមន រាជធានីភ្នំពេញ នៃព្រះរាជាណាចក្រកម្ពុជា៕

ចែកចាយបន្ត