Post News Media ព័ត៌មានសេដ្ឋកិច្ច កម្ពុជា គ្រោង...

កម្ពុជា គ្រោងចំណាយ ២០លានដុល្លារ បង្កើនផលិតកម្មស្រូវក្រអូប និងផលិតកម្មបន្លែ

ចែកចាយបន្ត

រដ្ឋាភិបាលកម្ពុជា គ្រោងនឹងចំណាយទឹកប្រាក់ប្រមាណ ២០លានដុល្លារអាមេរិក ដើម្បីបង្កើនផលិតកម្មស្រូវក្រអូប និងផលិតកម្មបន្លែ ដែលជាគម្រោងជម្រុញផលិតកម្មស្បៀង ឧបត្ថម្ភថវិកាដោយរាជរដ្ឋាភិបាលកម្ពុជាផ្ទាល់។ នេះបើយោងតាមការឲ្យដឹងពី គេហទំព័ររបស់សហព័ន្ធស្រូវអង្ករកម្ពុជា។

គម្រោងនេះ មានរយ:ពេល ៣ឆ្នាំ​ សម្រាប់ឆ្នាំ​ ២០១៦-២០១៨ សំដៅបង្កើនពូជស្រូវក្រអូបសរុបឲ្យបាន ១៥,០០០តោន នៅក្នុងរយ:ពេល ៣ឆ្នាំ នៅខេត្តចំនួន​ ១១ និងបង្កើនការផលិតបន្លែសរុបឲ្យបាន ៦ម៉ឺនតោនក្នុងមួយឆ្នាំ នៅក្នុងខេត្តចំនួន ៨ ដើម្បីឆ្លើយតបតម្រូវការស្បៀងនៅក្នុងទីផ្សារ។

គម្រោងនេះ នឹងធ្វើការជាមួយសហគមន៍កសិកម្ម រោងម៉ាស៊ីន អ្នកផលិតពូជ និងភាគីពាក់ព័ន្ធដទៃទៀតនៅតាមបណ្តាខេត្តនានា ក្នុងការផលិតពូជ ការធ្វើកិច្ចសន្យាផលិតកម្មកសិកម្ម ការផ្តល់ហេដ្ឋារចនាសម្ព័ន្ធ ការបណ្តុះបណ្តាល ការសម្របសម្រួលជាដើម។ល។

គួរជម្រាបដែរថា គោលបំណងចំបងនៃគម្រោងនេះ គឺធ្វើឲ្យស្បៀងអាហារធូរថ្លៃជាងមុន មានគុណភាពប្រសើរជាងមុន និងមានសុវត្ថិភាពប្រសើរជាងមុន៕