Post News Media ព័ត៌មានសេដ្ឋកិច្ច សណ្ឋាគារផ្កាយ...

សណ្ឋាគារផ្កាយ៥ Hyatt Regency កណ្តាលក្រុងភ្នំពេញ បើកការដ្ឋានជាផ្លូវការ

ចែកចាយបន្ត

សណ្ឋាគារលំដាប់ផ្កាយ៥ Hyatt Regency Phnom Penh បានបើកការដ្ឋានសាងសង់ជាផ្លូវការ នៅថ្ងៃនេះ។ នេះបើយោងតាមការឲ្យដឹងពី គេហទំព័ររបស់លោក ជា សុផារ៉ា រដ្ឋមន្ត្រីក្រសួងដែនដី នគរូបនីយកម្ម និងសំណង់។

ក្រុមហ៊ុន Royal Residence Hotels and Resorts បានសម្រេចចិត្តវិនិយោគលើ គម្រោងសាងសង់សណ្ឋាគារនេះ ដែលមានកម្ពស់ ១៤ជាន់ សង់លើផ្ទៃដីជាង ៧ពាន់ម៉ែត្រក្រឡា ស្ថិតក្នុងសង្កាត់ទន្លេបាសាក់ ខណ្ឌចំការមន។

សណ្ឋាគារ Hyatt Regency រំពឹងនឹងទទួលបានភ្ញៀវទេសចរ និងវិនិយោគិនធំៗជាច្រើន ដែលមកកាន់ទីក្រុងភ្នំពេញ ព្រមទាំងជួយលើកមុខមាត់ប្រទេសជាតិ និងជម្រុញកំណើនសេដ្ឋកិច្ចផងដែរ។

គួរជម្រាបដែរ សណ្ឋាគារ Hyatt ជាសណ្ឋាគារដ៏ល្បីលំដាប់អន្តរជាតិ ដែលមានសាខាជាង ៦០០សណ្ឋាគារ នៅក្នុង ៥៦ប្រទេស ជុំវិញសកលលោក៕

ចែកចាយបន្ត