Post News Media ព័ត៌មានសេដ្ឋកិច្ច ខុនដូ The Vie...

ខុនដូ The View តម្លៃ ៣០លានដុល្លារ ក្នុងតំបន់បឹងកេងកង បញ្ចប់ការសាងសង់ជាផ្លូវការ

ចែកចាយបន្ត

គម្រោងអគារខុនដូ The View Residence កម្ពស់ ៣២ជាន់ បានប្រកាសបញ្ចប់ការសាងសង់ជាផ្លូវការ ក្រោយពីបានបោះទុនវិនិយោគជាង ៣០លានដុល្លារអាមេរិក។ នេះបើយោងតាម ទីភ្នាក់ងារសារព័ត៌មានជាតិ បានចេញផ្សាយកាលពីម្សិលមិញនេះ។

អគារខុនដូ The View Residence សាងសង់ឡើងនៅលើផ្ទៃដីទំហំជាង ១០០ម៉ែត្រការ៉េ ស្ថិតនៅលើផ្លូវ ៣៧០ ក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ​ ហើយអគារនេះ បែងចែកបន្ទប់ស្នាក់នៅជា ៣ប្រភេទគឺ បន្ទប់ស្ទីតយោ បន្ទប់លក្ខណ:គ្រួសារគ្រែ១ និងគ្រែ ២។

បច្ចុប្បន្នគម្រោងនេះ ទទួលបានការបញ្ជាទិញរហូតដល់ ៧០ភាគរយ ដែលក្នុងនោះ អតិថិជនក្នុងស្រុកមានជាង ៥០ភាគរយ។

មូលហេតុដែលអគារ The View ត្រូវបានជ្រើសរើសដាក់នៅទីតាំងនេះ គឺ តំបន់បឹងកេងកង ជាតំបន់មួយដ៏ល្អ ដែលមានសាលារៀនជាតិ អន្តរជាតិ មន្ទីរពេទ្យ និងជាទីតាំងដែលសម្បូរទៅដោយអភិជនរស់នៅ ហើយវាជាតំបន់មានសក្តានុពលខ្លាំង ដែលនឹងមានកំណើនយ៉ាងលឿនបំផុត។

គួរជម្រាបដែរថា រយ:ពេល ១០ចុងក្រោយនេះ វិស័យសំណង់មានការរីកចម្រើនយ៉ាងខ្លាំង រួមមានអគារខ្ពស់ៗ បុរី ទីក្រុងរណប ត្រូវបានសាងសង់ជាបន្តបន្ទាប់ រហូតមកដល់បច្ចុប្បន្នមាន អគារខ្ពស់ចំនួន ៣៨៦អគារ៕

ចែកចាយបន្ត