Post News Media ព័ត៌មានសេដ្ឋកិច្ច គម្រោងអគារភ្ល...

គម្រោងអគារភ្លោះកម្ពស់ ១៣៣ជាន់ នឹងបើកការសាងសង់នៅខែ សីហា ខាងមុខនេះ

ចែកចាយបន្ត

គម្រោងសាងសង់អគារភ្លោះកម្ពស់ ១៣៣​ជាន់ ឬមានឈ្មោះថា អគារភ្លោះមជ្ឈមណ្ឌលពាណិជ្ជកម្ម ថៃ ប៊ុនរ៉ុងនឹងបើកការដ្ឋានសាងសង់ នៅខែសីហា ខាងមុខនេះ។

លោក ទួស សាភឿន អគ្គលេខាធិការរងគណ:ស្ថាបត្យករកម្ពុជា និងជាថ្នាក់ដឹកនាំជាន់ខ្ពស់មួយរូបនៃ ក្រុមហ៊ុន ថៃ ប៊ុនរ៉ុង បានបង្ហោះនៅក្នុងបណ្តាញសង្គមហ្វេសប៊ុករបស់លោកថា «ឆ្លើយតបទៅនឹងការសាកសួរជាច្រើនពី មិត្តភក្ត្រចំពោះការសាងសង់ និងរយ:ពេលចាប់ផ្តើមលក់គម្រោងយក្សមួយនេះ គឺនឹងចាប់ផ្តើមបុកគ្រឹះសាងសង់ នៅខែសីហាខាងមុខនេះហើយ»។

អគារខ្ពស់កប់ពពកនេះ ត្រូវបានវិនិយោគដោយក្រុមហ៊ុន ថៃ​ ប៊ុនរ៉ុង និងក្រុមហ៊ុនសហវិនិយោគចិនក្រោមទុន ប្រមាណជា ៣ពាន់លានដុល្លារអាមេរិក។

អគារមជ្ឈមណ្ឌលពាណិជ្ជកម្មនេះ នឹងជាបណ្តុំការិយាល័យ ផ្សារទំនើប អាផាតមិន ខុនដូ ភោជនីយដ្ឋាន សណ្ឋាគារលំដាប់ផ្កាយ ៥ ជាច្រើនបន្ថែមទៀត។

សូមជម្រាបផងដែរថា គម្រោងសាងសង់នេះមានកម្ពស់ប្រមាណជាង ៥០០ម៉ែត្រ នឹងសាងសង់លើផ្ទៃដីទំហំ ៥ហិកតា ដែលមានទីតាំងស្ថិតនៅ សង្កាត់ចតុមុខ ខណ្ឌដូនពេញ រាជធានីភ្នំពេញ៕

ចែកចាយបន្ត