Post News Media ព័ត៌មានសេដ្ឋកិច្ច គម្រោងខុនដូ ន...

គម្រោងខុនដូ និងសណ្ឋាគារលំដាប់ផ្កាយ ៥ ដ៏គួរឲ្យទាក់ទាញ កំពុងដំណើរការសាងសង់

ចែកចាយបន្ត

គម្រោងសាងសង់សណ្ឋាគារលំដាប់អន្តរជាតិ ក៏ដូចជាខុនដូលំដាប់ផ្កាយ ៥ មួយចំនួនបាន នឹងកំពុងដំណើរការសាងសង់នៅកម្ពុជាយើង ដែលគម្រោងនីមួយៗមាននូវចំណុចទាក់ទាញ និងភាពល្អប្រណិតផ្សេងៗពីគ្នា ក្នុងនោះរួមមាន៖

១. គម្រោង The Penthouse Residence

ជាគម្រោងខុនដូលំដាប់ផ្កាយ ៥ ដែលសាងសង់ឡើងកម្ពស់ ៣៦ជាន់។ គម្រោងនេះ បង្កើតឡើងដើម្បីបំពេញតម្រូវការអតិថិជន ជាមួយនឹងអគារស្នាក់នៅបែបទំនើប និងទាន់សម័យ ចំណុចដ៏គួរឲ្យទាក់ទាញនៃគម្រោង គឺនៅជាន់កំពូលនៃអគារមានបង្កប់នូវភោជនីយដ្ឋានមួយ ដែលអាចធ្វើចលនាវិលជុំបាន ដោយប្រើរយ:ពេលត្រឹម ១ ម៉ោងប៉ុណ្ណោះ ។
The Penthouse Residence មានទីតាំងតាមបណ្តោយមហាវិថីសុធារស និងឋិតនៅជិតផ្សារទំនើប អ៊ីអនម៉ល កណ្តាលទីក្រុងភ្នំពេញ និងគ្រោងបញ្ចប់នៅឆ្នាំ ២០១៨ ខាងមុខនេះ។

២ . គម្រោង Hyatt Regency Phnom Penh

ជាសណ្ឋាគារកម្ពស់ ១៤ ជាន់ ដែលសាងសងទ្បើង ក្នុងគោលបំណងសម្រាប់ទទួលភ្ញៀវទេសចរ និងវិនិយោគធំៗ ជាច្រើន ដែលធ្វើដំណើរមកកាន់ទីក្រុង ភ្នំពេញ ក៏ដូចជាជួយជំរុញដល់កំណើនសេដ្ឋកិច្ច និងមុខមាត់ប្រទេសជាតិផងដែរ។
អ្វីដែលពិសេសនោះ គឺ Hyatt Regency Phnom Penh ជាសណ្ឋាគារដ៏ល្បីលំដាប់អន្តរជាតិ ដែលមានសាខាជាង ៦០០ កន្លែង នៅ ៥៦ ប្រទេស ជុំវិញពិភពលោក។
គម្រោងនេះ បានបើកការដ្ឋានសាងសង់ហើយ កាលពីថ្ងៃទី ២២ ខែមីនា នេះបើយោងតាម គេហទំព័រ ហ្វេសប៊ុករបស់លោក ជា សុផារ៉ា រដ្ឋមន្ត្រីក្រសួងដែនដី និងនគររូបនីកម្ម ។ វាមានទីតាំងស្ថិតនៅ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

៣. គម្រោង Sky Villa

ជាគម្រោងខុនដូលំដាប់ផ្កាយ ៥ កម្ពស់ ៣៥ ជាន់ ដែលវិនិយោគដោយក្រុមហ៊ុន Crystal Orage Construction Plc។ គម្រោងនេះ ផ្តោតការយកចិត្តទុកដាក់យ៉ាងសំខាន់ ទៅលើភាពល្អប្រណិត ជីវិតរស់នៅបែបស៊ីវិល័យ សុវត្ថិភាព និងបរិស្ថាន។

អ្វីដែលគួរឲ្យទាក់ទាញនោះគឺគម្រោងនេះត្រូវបានរចនាម៉ូតដោយក្រុមហ៊ុន C.Y.Lee &Partners, Architects& Planners ដែលជាក្រុមហ៊ុនដ៏ល្បីបំផុតក្នុងពិភពលោក។
Sky Villa មានទីតាំងស្ថិតនៅក្បែរពហុកីឡាដ្ឋានជាតិអូឡាំពិក ខណ្ឌ ៧ មករា រាជធានីភ្នំពេញ និងគ្រោងបញ្ចប់នៅឆ្នាំ ២០១៨ នាពេលខាងមុខនេះ៕