Post News Media ព័ត៌មានសេដ្ឋកិច្ច អេស៊ីលីដាយូនី...

អេស៊ីលីដាយូនីធីទាន់ចិត្ត ក្លាយជា កាបូបលុយ ដោយមិនប្រើ សាច់ប្រាក់សុទ្ធ

ចែកចាយបន្ត

កាលពីពេលថ្មីៗនេះ ធនាគារអេស៊ីលីដា បានប្រកាសដាក់ឲ្យប្រើប្រាស់នូវ សេវាកម្មថ្មីតាមទូរស័ព្ទចល័ត សម្រាប់ការផ្ទេរប្រាក់ និងទូទាត់ការចំណាយនានាកាន់តែឆាប់រហ័ស។ នេះបើយោងតាមទីភ្នាក់ងារសារព័ត៌មានជាតិ ចេញផ្សាយកាលពីម្សិលមិញនេះ។

សេវាកម្មថ្មីនេះ មានឈ្មោះថា អេស៊ីលីដាយូនីធីទាន់ចិត្ត ដោយអ្នកប្រើប្រាស់ អាចប្រើប្រាស់សេវាធនាគារជាច្រើនប្រភេទរួមមាន ពិនិត្យសមតុល្យគណនី ផ្ទេរប្រាក់ ទូទាត់វិក្កយបត្រ ទូទាត់ថ្លៃទំនិញសេវា ពីបុគ្គល ទៅបុគ្គលបានទៀតផង។

ប្រជាពលរដ្ឋ ដែលមានជីវភាពខ្ពស់ និងមធ្យម គឺអាចប្រើប្រាស់សេវាកម្មនេះបាន ដោយតម្រូវឲ្យមានសាច់ប្រាក់នៅក្នុងគណនីកម្មវិធីនេះ តាមរយ:ការបញ្ចូលសាច់ប្រាក់ ឬទទួលការផ្ទេរប្រាក់ពីអ្នកដទៃ ហើយសេវាកម្ម ក៏ចូលរួមកាត់បន្ថយចរាចរណ៍សាច់ប្រាក់សុទ្ធ នៅលើទីផ្សារ តាមរយ:សកម្មភាពធនាគារតាមប្រព័ន្ធអេឡិចត្រូនិកផងដែរ។

រាល់អតិថិជនទូទៅ អាចភ្ជាប់សេវាកម្មនេះបាន ដោយមិនចំណាយថ្លៃសេវា និងអាចធ្វើប្រតិបត្តិការយ៉ាងងាយស្រួលបំផុត ជាពិសេសគឺរក្សាហានិភ័យផ្សេងៗ មិនខ្លាចបាត់បង់ប្រាក់របស់ខ្លួន។

លើសពីនេះទៅទៀត ប្រជាពលរដ្ឋទូទៅ ក៏អាចប្រើប្រាស់សេវាកម្មនេះ ដោយមិនចាំបាច់មានគណនីនៅក្នុងធនាគារនោះទេ គ្រាន់តែទាញយកកម្មវិធីនេះ ដាក់ចូលទូរស័ព្ទដៃ រួចបំពេញទៅតាមការណែនាំ នោះអតិថិជននឹងអាចប្រើប្រាស់បាន អាចដាក់ប្រាក់ក្នុងគណនីនោះបាន និងអាចទូទាត់ផ្សេងៗតាមសេវាកម្មនេះ។

គួរជម្រាបដែរថា ចំពោះសេវាកម្មថ្មីនេះ ធនាគារអេស៊ីលីដា គ្រោងនឹងរកអតិថិជនឲ្យបាន ២លាននាក់ប្រើប្រាស់ជាប្រចាំ រយ:ពេលយ៉ាងយូរ ៥ឆ្នាំ៕

សម្រាប់ព័ត៌មានលម្អិតពី អេស៊ីលីដាយូនីធីទាន់ចិត្ត