Post News Media ព័ត៌មានសេដ្ឋកិច្ច ផ្សារទំនើបអ៊ី...

ផ្សារទំនើបអ៊ីអនម៉ល កំណត់យក ខេត្តសៀមរាប ជាគោលដៅអាទិភាព

ចែកចាយបន្ត

ក្រុមហ៊ុនជប៉ុន អ៊ីអន គ្រោងនឹងបើក ហាងទំនិញជាង ៣០កន្លែង ទូទាំងប្រទេសកម្ពុជា នឹងកំណត់យក ខេត្តសៀមរាប ជាគោលដៅអាទិភាព ដែលអាចនឹងបើកផ្សារទំនើបថ្មីមួយទៀត ក្នុងពេលដ៏ខ្លីខាងមុខផងដែរ។ នេះបើយោងតាម សារព័ត៌មានអន្តរជាតិ Nikkei។

ក្រុមហ៊ុនជប៉ុនមួយនេះ គ្រោងនឹងបើកហាងទំនិញជាច្រើនបន្ថែមទៀត​ នៅក្នុងតំបន់អាស៊ាន ដូចជាកម្ពុជា និងវៀតណាម ដោយបើកនៅកម្ពុជាចំនួន ៣០ហាង ក្នុងរយ:ពេល ៣ឆ្នាំខាងមុខ។

នាពេលបច្ចុប្បន្ន អ៊ីអន កំពុងផ្តោតលើការបើកហាងទំនិញ ក្នុងទីក្រុង និងតំបន់ជុំវិញនោះ ដើម្បីឲ្យប្រជាជនកម្ពុជា ស្គាល់យីហោអ៊ីអន កាន់តែច្រើន និងកាន់តែច្បាស់។

ផ្សារទំនើបអ៊ីអនទី ១ បើកដំណើរការលើផ្ទៃដីជិត ៧ហិកតា កាលពីឆ្នាំ ២០១៤ ខណ:ផ្សារទំនើបអ៊ីអនទី ២ កំពុងសាងសង់លើផ្ទៃដី ១០ហិកតា ហើយគ្រោងនឹងបើកដំណើរការនៅឆ្នាំ​ ២០១៨ខាងមុខនេះ។

គួរជម្រាបដែរថា ឆ្នាំ ២០១៦ ជាឆ្នាំដែលមានការវិនិយោគដោយផ្ទាល់ច្រើនជាងគេបំផុតពីជប៉ុនមកកម្ពុជា ដែលមានទុនវិនិយោគប្រមាណ ៨២២លានដុល្លារអាមេរិក៕

ចែកចាយបន្ត