Post News Media ព័ត៌មានសេដ្ឋកិច្ច ថ្លៃភ្លើងថ្លៃ...

ថ្លៃភ្លើងថ្លៃទឹក នឹងចុះថ្លៃ ទូទាំង ២៥ខេត្តក្រុង ចាប់ពីថ្ងៃទី ១៥ ឧសភា តទៅ

ចែកចាយបន្ត

នៅព្រឹកនេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា ថ្លៃទឹកភ្លើងនៅទូទាំងប្រទេស នឹងចុះថ្លៃ ចាប់ពីថ្ងៃទី ១៥ ខែឧសភា ឆ្នាំ ២០១៧នេះតទៅ។

សម្រាប់ប្រជាពលរដ្ឋដែលប្រើប្រាស់ទឹកក្រោម ៣ម៉ែត្រគូប ក្នុងមួយខែ គឺត្រូវបានបន្ធូរបន្ថយតម្លៃមកត្រឹម ៤០០រៀលក្នុងមួយម៉ែត្រគូប ពោលគឺថ្លៃដើម ហើយបើប្រើប្រាស់ចន្លោះពី ៤-៧ម៉ែត្រគូប គឺបញ្ចុះតម្លៃពី ៥៥០រៀល មកត្រឹម ៥០០រៀល។

ចំពោះអគ្គិសនីវិញ ប្រជាពលរដ្ឋប្រើប្រាស់ក្រោម ១០គីឡូវ៉ាត់ម៉ោងក្នុងមួយខែគឺ បញ្ចុះមកត្រឹម ៤៨០រៀល ប្រើប្រាស់ក្រោម ៥០គីឡូវ៉ាត់ម៉ោងគឺ ៦១០រៀល។

រីឯអ្នកប្រើប្រាស់អគ្គិសនីលើសពី ៥០គីឡូវ៉ាត់ម៉ោងក្នុងមួយខែគឺ តម្លៃ ៧៧០រៀល (បណ្តាញរដ្ឋ) ហើយសម្រាប់អ្នកប្រើប្រាស់បណ្តាញឯកជនវិញគឺ តម្លៃ ៧៩០រៀល។

គួររម្លឹកដែរថា នៅព្រឹកនេះ សម្តេចតេជោ ក៏បានសម្ពោធសមិទ្ធផលជាច្រើន នៅខេត្តត្បូងឃ្មុំ រួមមាន អាងស្តុកទឹកប្រើប្រាស់ ដែលអាចស្តុកទឹកបានប្រមាណ ៣លានម៉ែត្រគូប និងស្ថានីយផលិតទឹកស្អាត ដែលមានសមត្ថភាពផលិតទឹកស្អាត ២០៨ម៉ែត្រគូបក្នុងមួយម៉ោង៕