Post News Media ព័ត៌មានសេដ្ឋកិច្ច កាត ATM អេស៊ី...

កាត ATM អេស៊ីលីដា ប្តូរថ្មីទាំងអស់ ជូនអតិថិជនជិត២លាននាក់ ជិតចាប់ផ្តើមហើយ

ចែកចាយបន្ត

ធនាគារ អេស៊ីលីដា នឹងប្តូរកាត ATM ថ្មី ជូនអតិថិជនជិត ២លាននាក់ ដោយឥតគិតថ្លៃ ចាប់ពីថ្ងៃទី ២៦ ខែ ឧសភា ឆ្នាំ ២០១៧នេះតទៅ។ នេះបើយោងតាមការឲ្យដឹងពី គេហទំព័ររបស់ ធនាគារអេស៊ីលីដា។

លោកអ្នកអាចផ្លាស់ប្តូរកាតថ្មី (និមិត្តសញ្ញាថ្មី និងបំពាក់ Chip) នៅតាមសាខាធនាគារ អេស៊ីលីដា ដែលនៅជិតលោកអ្នក ដោយភ្ជាប់មកជាមួយនូវ កាតដែលកំពុងប្រើប្រាស់បច្ចុប្បន្ន។

សម្រាប់ កាត ដែលលោកអ្នកបានយកទៅប្តូរ គឺត្រូវមកយកនៅ កន្លែងដែលប្តូរកាតថ្មីនោះតែម្តង ហើយការប្តូរនេះ អាចនឹងចំណាយពេល ៥ថ្ងៃនៃថ្ងៃធ្វើការ។

យ៉ាងណាមិញ កាត ATM ចាស់ជាង ១.៧លាន អាចប្រើប្រាស់បានធម្មតា ពុំមានផលប៉ះពាល់អ្វីនោះទេ ហើយកាតថ្មី នឹងផ្តល់ជូនដល់អតិថិជន ក្រោយពេលធនាគារ ធ្វើការកែសម្រួល និងបោះពុម្ភរួច។

គួររម្លឹកដែរថា ធនាគារ អេស៊ីលីដា គ្រោងនឹងចំណាយប្រមាណ ៣.៥លានដុល្លារអាមេរិក លើការផ្លាស់ប្តូរនិមិត្តសញ្ញាថ្មីនេះ នៅតាមសាខាសរុប ២៥៩ទូទាំងប្រទេសកម្ពុជា ៤១សាខានៅប្រទេសឡាវ និង ៦សាខានៅមីយ៉ាន់ម៉ាក្រោយពេល ធនាគារនៃកម្ពុជា បានសម្រេចណែនាំឲ្យគ្រឹះស្ថានធនាគារ គ្រឹះស្ថានមីក្រូហិរញ្ញវត្ថុ និងប្រតិបត្តិករឥណទានជនបទទាំងអស់ បន្ថែមនៅលើស្លាកយីហោរបស់ខ្លួន នូវពាក្យថា គ្រឹះស្ថានឯកជន ចៀសវាងច្រឡំថា ជារបស់រដ្ឋ៕

ចែកចាយបន្ត