Post News Media ព័ត៌មានសេដ្ឋកិច្ច ឆ្នាំនេះ វៀតណ...

ឆ្នាំនេះ វៀតណាម នឹងក្លាយជាប្រទេសផលិតអង្ករធំជាងគេលំដាប់ទី ៥ ក្នុងពិភពលោក

ចែកចាយបន្ត

យោងតាមរបាយការណ៍របស់អង្គការស្បៀងអាហារ និងកសិកម្មរបស់អង្គការសហប្រជាជាតិ បានឲ្យដឹងថា ប្រទេសវៀតណាម ត្រូវបានគេរំពឹងថា នឹងក្លាយជា ប្រទេសផលិតអង្ករធំជាងគេលំដាប់ទី ៥ ក្នុងពិភពលោក នៅក្នុងឆ្នាំ ២០១៧នេះ។

ប្រទេសដែលផលិតអង្ករធំជាងគេរបស់ពិភពលោកគឺ ប្រទេសចិន (១៤២លានតោន) ប្រទេសឥណ្ឌា (១១០លានតោន) បន្ទាប់មកគឺប្រទេសឥណ្ឌូនេស៊ី និងប្រទេសបង់ក្លាដេស។

បើទោះបីជា ការនាំចេញអង្ករមានការធ្លាក់ចុះ ២ឆ្នាំជាប់ៗគ្នាកន្លងទៅនេះ នៅក្នុងឆ្នាំ ២០១៧នេះ ការនាំចេញអង្ករ ត្រូវបានរំពឹងថា នឹងកើនឡើងប្រមាណ ៥ភាគរយ គឺ ៤៤លានតោន បើធៀបនឹង ៤៣លានតោន កាលពីឆ្នាំមុន។

ប្រទេសឥណ្ឌា នឹងនៅតែជាប្រទេសនាំចេញអង្ករធំជាងគេ ខណ:ប្រទេសថៃ និងវៀតណាម ត្រូវបានព្យាការណ៍ថា នឹងបន្ថែមការនាំចេញជាបន្តបន្ទាប់ទៀត។

គួរជម្រាបដែរថា ប្រទេសវៀតណាម បាននាំអង្ករចេញជិត ៥លានតោន កាលពីឆ្នាំ ២០១៦កន្លងទៅ៕