Post News Media ព័ត៌មានសេដ្ឋកិច្ច ភ្នំយ៉ាត ទំហំ...

ភ្នំយ៉ាត ទំហំ ៣ម៉ឺនហិកតា ប្រែក្លាយពី តំបន់សង្រ្គាម ទៅជា តំបន់បេតិកភណ្ឌវប្បធម៌ធម្មជាតិ

ចែកចាយបន្ត

កាលពីម្សិលមិញនេះ ក្រសួងបរិស្ថាន បានសម្រេចបង្កើត តំបន់ភ្នំយ៉ាត ទៅជា តំបន់បេតិកភណ្ឌវប្បធម៌ធម្មជាតិ ដែលមានផ្ទៃដីប្រមាណជិត ៣ម៉ឺន ២ពាន់ហិកតា លាតសន្ធឹងលើភូមិសាស្រ្តសង្កាត់ប៉ៃលិន ខេត្តប៉ៃលិន។

ការសម្រេចបង្កើតទៅជា តំបន់បេតិកភណ្ឌវប្បធម៌ធម្មជាតិនេះ គឺដើម្បីការពារតួនាទីប្រព័ន្ធអេកូឡូស៊ី សម្រាប់ជាប្រយោជន៍របស់មនុស្សគ្រប់ជំនាន់ កម្រិតដល់ការប្រើប្រាស់ធនធានជីវ:ចម្រុះ​ ធនធានធម្មជាតិ ធនធានវប្បធម៌ និងមុខងារនៃតំបន់នេះ ការពារសោភ័ណ្ឌភាព ទេសភាពធម្មជាតិ និងតម្លៃធម្មជាតិ ។ល។

គួររម្លឹកដែរថា តំបន់ភ្នំយ៉ាត គឺជានិមិត្តរូបតំណាងឲ្យខេត្តប៉ៃលិនទាំងមូល ហើយជាអតីតតំបន់សង្រ្គាមក្តៅជាងគេមួយ គ្រប់គ្រងដោយខ្មែរក្រហម តាំងពីឆ្នាំ ១៩៧៥ រហូតដល់ឆ្នាំ ១៩៩៨។

រហូតមកទល់ពេលនេះ បូករួមទាំងតំបន់បេតិកភណ្ឌភ្នំយ៉ាត កម្ពុជា មានតំបន់ការពារធម្មជាតិ ៤៦កន្លែង និងរបៀងអភិវក្សជីវ:ចម្រុះតំបន់ ៣តំបន់ គ្របដណ្តប់លើផ្ទៃដីសរុបជាង ៧.៣លានហិកតា៕