Post News Media ព័ត៌មានសេដ្ឋកិច្ច ក្រសួងសាធារណក...

ក្រសួងសាធារណការ ស្នើធនាគារពិភពលោក សិក្សាលើគម្រោងកប៉ាល់សាធារណ:

ចែកចាយបន្ត

ក្រសួងសាធារណការ និងដឹកជញ្ជូន​ បានស្នើដល់ ធនាគារពិភពលោក សិក្សាទៅលើគម្រោងកប៉ាល់សាធារណ:ល្បឿនលឿន និងការអភិវឌ្ឍន៍ហេដ្ឋារចនាសម្ព័ន្ធបន្ថែមទៀត ដែលផ្តល់ផលប្រយោជន៍ដល់កម្ពុជា។ នេះបើយោងតាម ទីភ្នាក់ងារសារព័ត៌មានជាតិ ចេញផ្សាយកាលពីម្សិលមិញនេះ។

លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានស្នើដល់ធនាគារពិភពលោក សិក្សាលើគម្រោងកប៉ាល់សាធារណ: ខណ:ដែលបច្ចុប្បន្ន ធនាគារពិភពលោក កំពុងចាប់ដៃគូសហការជាមួយ ចៃកា ក្នុងការអភិវឌ្ឍន៍ ប្លង់មេផ្នែកដឹកជញ្ជូនថ្នាក់ជាតិ។

ការសិក្សានេះគឺដើម្បីធានាបាននូវ តម្លៃដឹកជញ្ជូនកាន់តែប្រកួតប្រជែង ហើយក្រសួងបាននិងកំពុងផ្តល់អាទិភាពដល់ការអភិវឌ្ឍន៍កំពង់ផែ ផ្លូវដែក ផ្លូវទឹកខាងក្នុង និងការភ្ជាប់បណ្តាញផ្លូវថ្នល់។

យ៉ាងណាមិញ មានក្រុមហ៊ុនចិនមួយចំនួន​ បានបង្ហាញពីចំណាប់អារម្មណ៍ក្នុងការវិនិយោគលើ គម្រោងកប៉ាល់សាធារណ:នៅកម្ពុជាផងដែរ។

គួរជម្រាបដែរថា កប៉ាល់សាធារណ:ល្បឿនលឿនចំនួន ២០គ្រឿង នឹងរត់ពីស្ពានព្រែកព្នៅ ដល់ក្រុងតាខ្មៅ ហើយត្រូវដាក់ឲ្យដំណើរការ ក្នុងពេលឆាប់ៗខាងមុខនេះ៕