Post News Media ព័ត៌មានសេដ្ឋកិច្ច ចាប់ពីចុងឆ្នា...

ចាប់ពីចុងឆ្នាំ ២០១៧ ស្លាកលេខរថយន្ត នឹងដាក់បាឃ្យូកូដទាំងអស់ ក្លែងបន្លំលែងបាន

ចែកចាយបន្ត

ចាប់ពីចុងឆ្នាំ ២០១៧នេះតទៅ រាល់ការចេញស្លាកលេខរថយន្ត នឹងត្រូវបានដាក់បាឃ្យូកូដទាំងអស់ ដើម្បីចៀសវាសការប្រើប្រាស់ស្លាកលេខក្លែងក្លាយ ឬលេខសេះហោះ។ នេះបើយោងតាមការឲ្យដឹងពី ទីភ្នាក់ងារសារព័ត៌មានជាតិ។

លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងថា ការដាក់បាឃ្យូកូដលើស្លាកលេខរថយន្តនេះ នឹងបង្កភាពងាយស្រួលដល់ការគ្រប់គ្រងត្រួតពិនិត្យរបស់សមត្ថកិច្ចផងដែរ ដោយគ្រាន់តែយកទូរស័ព្ទដៃស្កេនលើស្លាកលេខ វានឹងបញ្ជាក់នូវទិន្នន័យគ្រប់ទាំងអស់ រួមមានប្រភេទរថយន្ត ពណ៌ លេខតួ លេខម៉ាស៊ីន។

ចំពោះព័ត៌មានទាក់ទងនឹងឈ្មោះម្ចាស់រថយន្ត អាសយដ្ឋានរបស់ម្ចាស់យានយន្ត មិនត្រូវបានផ្តល់ឲ្យនោះទេ ដើម្បីរក្សាសុវត្ថិភាព និងជួយការពារដល់ម្ចាស់រថយន្ត។

លើសពីនេះទៅទៀត ក្រសួងសាធារណការ នឹងតភ្ជាប់ប្រព័ន្ធនេះជាមួយនឹងពន្ធដារ និងគយបន្ថែមទៀត ដើម្បីងាយស្រួលក្នុងការស្វែងរកមើលថា យានយន្តមួយណាបង់ពន្ធ ឬមិនបង់ពន្ធ។

គួរជម្រាបដែរថា ក្រសួងសាធារណការ កំពុងតែសហការជាមួយធនាគារអភិវឌ្ឍន៍អាស៊ី និងធនាគារពិភពលោក ធ្វើការសិក្សា និងកែលម្អប្រព័ន្ធស្លាកសញ្ញាចរាចរណ៍ ការគូសសញ្ញាចរាចរណ៍ នៅទូទាំងប្រទេសផងដែរ៕

រូបតំណាង