Post News Media ព័ត៌មានសេដ្ឋកិច្ច រថយន្តក្រុងជំ...

រថយន្តក្រុងជំនួយរបស់ចិន មកដល់កម្ពុជាបាន ៧៥គ្រឿងហើយ

ចែកចាយបន្ត

រថយន្តក្រុងចំនួន ១០០គ្រឿង ដែលជាជំនួយរបស់រាជរដ្ឋាភិបាលចិន បានមកដល់កម្ពុជាចំនួន ៧៥គ្រឿងហើយ រង់ចាំ ២៥គ្រឿងនៅថ្ងៃស្អែក។ នេះបើយោងតាមគេហទំព័ររបស់ រដ្ឋបាលរាជធានីភ្នំពេញ ចេញផ្សាយប្រមាណជា ១ម៉ោងមុននេះ។

បច្ចុប្បន្ន រថយន្តក្រុង កំពុងរត់លើខ្សែរត់ចំនួន ៣ ជារៀងរាល់ថ្ងៃ ហើយកំពុងសិក្សាសាកល្បងលើ ៥ខ្សែបន្ថែមទៀតរួមមាន៖

១.គីឡូម៉ែត្រលេខ ៩ ដល់ បឹងឈូក

២.ផ្សាររាត្រី ដល់ តាខ្មៅ

៣.ផ្សាររាត្រី ដល់ ចោមចៅ

៤.ចោមចៅ ដល់ វត្តស្លែង

៥.ផ្សារកណ្តាល ដល់ ស្ពានព្រះមុនីវង្ស

៦.គីឡូម៉ែត្រលេខ ៩ ដល់ ស្ពានព្រះមុនីវង្ស និងព្រែកលាប ដល់ សែនជូរីផ្លាហ្សា

៧.ស្តាតចាស់ ដល់ ស្ទឹងមានជ័យ

៨.ស្ទឹងមានជ័យ ដល់ វត្តស្លែង។

សាលារាជធានីភ្នំពេញ នឹងបន្តខិតខំពង្រឹងការគ្រប់គ្រង ឲ្យមានប្រសិទ្ធភាព និងផ្តល់សេវាឲ្យបានល្អជាងនេះ ជាពិសេសគឺ ពង្រីកខ្សែរត់បន្ថែមឲ្យដល់ ១០ខ្សែ ដើម្បីផ្តល់ភាពងាយស្រួល សម្រាប់ការធ្វើដំណើររបស់ប្រជាពលរដ្ឋ ក៏ដូចជាភ្ញៀវទេសចរណ៍។

គួររម្លឹកដែរថា ក្រសួងសាធារណការ នឹងដឹកជញ្ជូន ក៏កំពុងតែសិក្សាពីលទ្ធភាព ក្នុងការប្រើប្រាស់កាណូតសាធារណ: Public Water Bus ជាលើកដំបូងបង្អស់នៅកម្ពុជា ដែលអាចចាប់ផ្តើមរត់នៅឆ្នាំ ២០១៨ខាងមុខនេះ រវាងទីតាំង ព្រែកព្នៅ-ភ្នំពេញ-តាខ្មៅ៕