Post News Media ព័ត៌មានសេដ្ឋកិច្ច រោងចក្រដំឡើងម...

រោងចក្រដំឡើងម៉ូតូថ្មីនៅកម្ពុជា បោះទុន៥០លានដុល្លារ ដំឡើងបាន ១៥០គ្រឿង/ថ្ងៃ

ចែកចាយបន្ត

ក្រុមហ៊ុន ទ្រី ភាព ហ្រ្គេនរ៉ូយ៉ាល់ បានចាប់ដៃជាមួយក្រុមហ៊ុនចិន Sichuan Grand Royal Group បោះទុនប្រមាណ ៥០លានដុល្លារអាមេរិក បើករោងចក្រដំឡើងម៉ូតូជាច្រើនប្រភេទ ដែលបច្ចុប្បន្នមានសមត្ថភាពដំឡើងបាន ១៥០គ្រឿងក្នុងមួយថ្ងៃ។ នេះបើយោងតាមគេហទំព័ររបស់ ក្រុមហ៊ុន ទ្រី ភាព គ្រុប។

បច្ចុប្បន្ន ក្រុមហ៊ុន បាននិងកំពុងបំពាក់នូវឧបករណ៍ដំឡើងដោយម៉ាស៊ីនទំនើប អាចដំឡើងបានចាប់ពី ៤០០ ដល់ ៥០០គ្រឿងក្នុងមួយថ្ងៃ ក្នុងនោះមានម៉ូតូម៉ាក Wave, Zoomer X និង MSXជាដើម។

រោងចក្រដំឡើងម៉ូតូ មានទីតាំងនៅក្នុងឃុំពើក ស្រុកអង្គស្នួល ខេត្តកណ្តាល នឹងផ្តល់ការងារជូនពលរដ្ឋខ្មែរប្រមាណជា ៥០០កន្លែងក្នុងដំណាក់កាលដំបូង។

ការបើករោងចក្រនេះ នឹងផ្លាស់ប្តូរបច្ចេកទេស កែលម្អគុណភាពផលិតកម្ម អភិវឌ្ឍន៍ផលិតផលថ្មី ដើម្បីប្រកួតប្រជែងជាមួយទីផ្សារក្នុងប្រទេស និងក្នុងតំបន់ ហើយកាត់បន្ថយការនាំរបស់ជជុះមកពីក្រៅប្រទេសផងដែរ៕