Post News Media ព័ត៌មានសេដ្ឋកិច្ច សុខា អូតែល សម...

សុខា អូតែល សម្រេចឈប់យកថ្លៃសំបុត្រចូលទស្សនា រមណីយដ្ឋាន ឋានសួគ៌បូកគោ

ចែកចាយបន្ត

ឧទ្យានជាតិព្រះមុនីវង្ស បូកគោ និងរមណីយដ្ឋានបូកគោ នឹងលែងគិតថ្លៃសំបុត្រចូលទស្សនាហើយ ចាប់ពីថ្ងៃទី ១៥ ខែតុលា ខាងមុខនេះ។ នេះបើយោងតាមការឲ្យដឹងពី សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

ការលើកលែងថ្លៃសំបុត្រនេះ គឺក្រុមហ៊ុន សុខា អូតែល បានស្ម័គ្រចិត្តឈប់យក ហើយវានឹងជួយសម្រួលដល់ បងប្អូនប្រជាពលរដ្ឋ និងភ្ញៀវទេសចរណ៍ទាំងអស់ ទៅទស្សនាកម្សាន្តនៅ តំបន់រមណីយដ្ឋានប្រវត្តិសាស្រ្ត។

ជាចុងក្រោយ សម្តេចតេជោ រំពឹងថា ដំណោះស្រាយនេះ នឹងជួយជម្រុញសកម្មភាពទេសចរណ៍នៅ តំបន់ឧទ្យានជាតិព្រះមុនីវង្ស បូកគោ ក៏ដូចជានៅរបៀងទេសចរណ៍ភាគខាងត្បូង ជាពិសេសតំបន់ឆ្នេរ មានការកើនឡើងបន្ថែមទៀត៕