យោងតាមគេហទំព័ររបស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានឲ្យដឹងនៅថ្ងៃនេះថា បងប្អូនអ្នកធាក់ស៊ីក្លូ ក៏ជាបងប្អូនកម្មករក្រៅប្រព័ន្ធដែរ ក៏ត្រូវការកិច្ចគាំពារសុខុមាលភាព ហើយដូចនេះ បងប្អូនកម្មករស៊ីក្លូទូទាំងប្រទេសបានជ្រាបថា បងប្អូនគឺនឹងទទួលបានការពិនិត្យ និងព្យាបាលជំងឺដោយមិនគិតថ្លៃទេ នៅក្នុងមន្ទីរពេទ្យរដ្ឋ។
ទន្ទឹមនឹងនេះ សម្តេចនឹងបង្កើត «មូលនិធិទ្រទ្រង់ស៊ីក្លូ» ដើម្បីជួយទ្រទ្រង់ និងអភិរក្សស៊ីក្លូ ដោយគ្រោងនឹងបរិច្ចាគក្នុង ១ឆ្នាំ ១២០លានរៀល។
សូមបងប្អូនចូលរួមវិភាគទាន និងចូលរួមថែរក្សា និងជិះស៊ីក្លូ ដើម្បីកុំអោយស៊ីក្លូខ្មែរបាត់បង់ ព្រោះស៊ីក្លូក៏អាចទាក់ទាញភ្ញៀវទេសចរផងដែរ។
សូមសប្បុរសជន និងបងប្អូនដែលមានបំណងចង់ចូលរួមគាំទ្រ និងទ្រទ្រង់ស៊ីក្លូ គឺសូមចូលរួមផ្តល់វិភាគទានជាមួយសម្តេច៕
