Post News Media ព័ត៌មានសេដ្ឋកិច្ច រដ្ឋមន្ត្រីពា...

រដ្ឋមន្ត្រីពាណិជ្ជកម្ម: កម្ពុជា គឺជាដែនដីនៃឱកាសវិនិយោគ

ចែកចាយបន្ត

កម្ពុជា គឺជាដែនដីនៃឱកាសវិនិយោគ ដែលជាគោលដៅដ៏ទាក់ទាញសម្រាប់វិនិយោគតូចធំ ដោយសារគោលនយោបាយបើកចំហសេដ្ឋកិច្ចទីផ្សារសេរី និងការរក្សាបាននូវស្ថេរភាពនយោបាយ។ នេះបើយោងតាមលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម លើកឡើងនៅព្រឹកមិញនេះ នាឱកាសសម្ភោធហាងកាហ្វេ Starbucks។

ការរក្សាសុខសន្តិភាពជូនប្រជាជន និងវិនិយោគិន ក៏ជាកត្តាទាក់ទាញការវិនិយោគមកកម្ពុជា ដែលបាននាំមកនូវប្រាក់ចំណូលជូនជាតិ និងឱកាសការងារជាច្រើន សម្រាប់ប្រជាពលរដ្ឋគ្រប់វ័យទៀតផង។

លោក ប៉ាន សូរស័ក្តិ បានបន្ថែមទៀតថា ពិធីបើកសម្ពោធហាងកាហ្វេ Starbucks ក៏ឆ្លុះបញ្ចាំងពីទំនុកចិត្តរបស់វិនិយោគិន មកលើប្រទេសកម្ពុជាផងដែរ ហើយនឹងជួយបង្កើនទំនុកចិត្ត សម្រាប់វិនិយោគិនដទៃទៀតឲ្យចូលមកវិនិយោគ កាន់តែច្រើន និងរួមចំណែកប្រែក្លាយកម្ពុជាទៅជា គោលដៅទេសចរណ៍ដ៏ទាក់ទាញនៅក្នុងតំបន់។

យោងតាមប្រភពទិន្នន័យពី ក្រុមប្រឹក្សាអភិវឌ្ឍន៍កម្ពុជា បានឲ្យដឹងថា នៅឆ្នាំ ២០១៥ កម្ពុជា បានទាក់ទាញការវិនិយោគដោយផ្ទាល់ពីបរទេស ជាមួយមូលធនវិនិយោគសរុបប្រមាណ ៣ពាន់លានដុល្លារអាមេរិក ដែលមូលធន ៤០ភាគរយ បានវិនិយោគនៅក្នុងវិស័យឧស្សាហកម្ម។

គួរបញ្ជាក់ផងដែរថា ហាងកាហ្វេ Starbucks បានសម្ភោធសាខាបឹងកេងកង នាព្រឹកមិញនេះ ដែលនេះជាសាខាទី ៣ បន្ទាប់ពីសាខាទី ១ នៅព្រលានយន្តហោះអន្តរជាតិភ្នំពេញ នឹងសាខាទី ២ នៅផ្សារទំនើបអ៊ីអនម៉ល៕

14500686_1307264629286412_2495707272612169430_o 14612514_1307264162619792_5649867759723570515_o