Post News Media ព័ត៌មានសេដ្ឋកិច្ច អគារភ្លោះកម្ព...

អគារភ្លោះកម្ពស់ ១៣៣ជាន់ កណ្តាលបេះដូងរាជធានីភ្នំពេញ ពុំទាន់ចាប់ផ្តើមសាងសង់

ចែកចាយបន្ត

មកទល់ពេលនេះ គម្រោងអគារភ្លោះកម្ពស់ ១៣៣ជាន់ ដែលគ្រោងចំណាយដើមទុនប្រមាណ ៣ពាន់លានដុល្លារអាមេរិក នៅពុំទាន់ចាប់ផ្តើមសាងសង់នៅឡើយទេ បើទោះបីជាគ្រោងនឹងចាប់ផ្តើមសាងសង់ក្នុងឆ្នាំនេះក៏ដោយ។

គម្រោងនេះមានឈ្មោះថា «អគារភ្លោះមជ្ឈមណ្ឌលពាណិជ្ជកម្ម ថៃ ប៊ុនរ៉ុង» គ្រោងចាប់ផ្តើមដំណើរការសាងសង់ក្នុងឆ្នាំនេះ នៅក្នុងមជ្ឈមណ្ឌលកម្សាន្ត ឌ្រីម លែនឌ៏ ហើយចំណាយពេលសាងសង់រយ:ពេល ៥ឆ្នាំ ប៉ុន្តែបច្ចុប្បន្ន គម្រោងនេះកំពុងសិក្សាពីសណ្ឋានដី នៅក្នុងតំបន់ឌ្រីម លែនឌ៏ ពុំទាន់បានចាប់ផ្តើមរៀបចំការដ្ឋានសាងសង់ នៅឡើយទេ។ នេះបើតាមការឲ្យដឹងពី ប្រជាពលរដ្ឋដែលកំពុងស្នាក់នៅក្នុងបរិវេណតំបន់ឌ្រីម លែនឌ៏។

អគារខ្ពស់កប់ពពកនេះ មានកម្ពស់ប្រមាណជា ៥០០ម៉ែត្រ ដែលនឹងជំនួសសួនកំសាន្តឌ្រីម លែនឌ៏ បានទទួលការអនុម័តយល់ព្រមពីមន្ទីររៀបចំដែនដី នគរូបនីយកម្ម និងសំណង់រាជធានីភ្នំពេញ កាលពីខែកុម្ភ:កន្លងទៅនេះ ហើយត្រូវបានរំពឹងថា នឹងក្លាយជាអគារខ្នាតយក្សក្នុងតំបន់អាស៊ីអាគ្នេយ៍។

ក្រុមហ៊ុនថៃ ប៊ុនរ៉ុង បានចាប់ដៃគូសហការជាមួយ ក្រុមហ៊ុនសាងសង់ចិន ចំនួន ២ ដើម្បីធ្វើការសាងសង់អគារនេះ លើផ្ទៃដី ៥ហិកតា អាចផ្ទុករថយន្តបាន ៥ពាន់គ្រឿង ជាពិសេសគឺមាន សណ្ឋាគារលំដាប់ផ្កាយ ៥ ចាប់ពីជាន់ទី ១០១ ដល់ជាន់ទី ១៣២។

គិតត្រឹមឆ្នាំ ២០១៥ គម្រោងវិនិយោគលើអគារកម្ពស់ខ្ពស់ ចាប់ពី ៥ ដល់ ៥៥ជាន់ នៅទូទាំងរាជធានីភ្នំពេញ មានប្រមាណ ៦៨៥អគារ នេះបើយោងតាមរបាយការណ៍ពី ក្រសួងដែនដី នគរូបនីយកម្ម និងសំណង់៕

12821336_1010036275746307_2597374391291178158_n 13128837_1029046480504545_1991697734_o 13087934_1719305974993953_1732027892443990937_n 14590519_1411173625562835_4971216498917183517_n