Post News Media ព័ត៌មានសេដ្ឋកិច្ច ក្រុមហ៊ុនថៃ គ...

ក្រុមហ៊ុនថៃ គ្រោងបើក តំបន់សេដ្ឋកិច្ចពិសេសនៅកម្ពុជា

ចែកចាយបន្ត

ក្រុមហ៊ុនសាជីវកម្មអមត: របស់ថៃ បានបង្ហាញពីបំណងបើកតំបន់សេដ្ឋកិច្ចពិសេសនៅកម្ពុជា ខណ:បច្ចុប្បន្នក្រុមហ៊ុន កំពុងសុំការណែនាំពីសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

លោក វីក្រុម ក្រូម៉ាឌិត ស្ថាបនិក និងជាប្រធានប្រតិបត្តិក្រុមហ៊ុនសាជីវកម្មអមត: បានជួបសម្តែងការគួរសមចំពោះ សម្តេចតេជោ កាលពីម្សិលមិញនេះ ហើយលោកបានលើកឡើងថា កម្ពុជា នឹងមានអនាគតដ៏ល្អ ព្រោះជាប្រទេសស្ថិតនៅចំណុចកណ្តាលគេ ពិសេសរវាងថៃនិងវៀតណាម ដែលមានសក្តានុពលខ្ពស់បំផុត។

បច្ចុប្បន្ន ក្រុមហ៊ុនសាជីវកម្មអមត: កំពុងបង្កើតតំបន់សេដ្ឋកិច្ចពិសេសនៅក្នុងប្រទេសថៃ វៀតណាម និងមីយ៉ាន់ម៉ា នឹងសុំការណែនាំពីសម្តេចតេជោ ក្នុងការបណ្តាក់ទុនវិនិយោគក្នុងប្រទេសកម្ពុជាផងដែរ។

គួរបញ្ជាក់ថា មេដឹកនាំនៃប្រទេសទាំងពីរកម្ពុជា-ថៃ បានបង្ហាញពីសក្តានុពលជាច្រើនទៀត ដែលគួរតែជម្រុញកំណើននៃទំហំពាណិជ្ជកម្ម ឲ្យកើនដល់ ១៥ពាន់លានដុល្លារអាមេរិក នៅពេលដ៏ខ្លីខាងមុខ៕

14572975_1118735084841654_7123831886370750481_n ppsez-1