Post News Media ព័ត៌មានសេដ្ឋកិច្ច វៀតណាម នាំចូល...

វៀតណាម នាំចូលផ្លែឈើ ពីថៃ និងចិន ដោយសារផ្លែឈើក្នុងស្រុក ប្រើគីមីហួសកម្រិត

ចែកចាយបន្ត

ត្រឹម ៨ខែ ឆ្នាំ ២០១៦នេះ ប្រទេសវៀតណាម បានចំណាយប្រមាណ ៥០០លានដុល្លារអាមេរិក ក្នុងការនាំចូល ផ្លែឈើ ដែលភាគច្រើនមកពី ប្រទេសថៃ និងចិន ដែលនេះបណ្តាលមកពី ការបាត់បង់ទំនុកចិត្តលើ ផលិតផលផ្លែឈើក្នុងស្រុក ដែលប្រើគីមីហួសកម្រិត។ នេះបើយោងតាមសារព័ត៌មាន Xinhua ចុះផ្សាយកាលពីម្សិលមិញនេះ។

ប្រទេសវៀតណាម ធ្លាប់តែជាប្រទេសនាំចេញផ្លែឈើច្រើន រហូតដល់ ១ពាន់លានដុល្លារអាមេរិក ក្នុង ៨ខែ ឆ្នាំ ២០១៦នេះ បានចំណាយ ៥២៩លានដុល្លារអាមេរិកទៅវិញ ដើម្បីនាំចូលផ្លែឈើ ដែលកើនឡើងប្រមាណ ៣៧ភាគរយ បើប្រៀបធៀបនឹងឆ្នាំមុន។ នេះបើយោងតាមទិន្នន័យពីគយវៀតណាម។

វៀតណាម ចំណាយ ២១៨លានដុល្លារអាមេរិក នាំចូលបន្លែ ផ្លែឈើពី ប្រទេសថៃ និងចំណាយ ១២៥លានដុល្លារអាមេរិក នាំចូលពីប្រទេសចិន ដែលជាសរុប ការនាំចូលពីប្រទេសទាំងពីរនេះ ស្មើនឹង ៦៥ភាគរយនៃការនាំចូលសរុបរបស់ប្រទេសវៀតណាម ក្នុងរយ:ពេល ៨ខែ ឆ្នាំ ២០១៦នេះ។

បើទោះបីជា ផ្លែឈើនាំចូល មានតម្លៃថ្លៃ ក៏នៅតែលក់ដាច់ ដោយសារតែបញ្ហា សុវត្ថិភាពចំណីអាហារ នៅតែជាបញ្ហាចំបង ព្រោះមានករណីផ្លែឈើ ប្រើជាតិគីមីហួសកម្រិត និងខុសស្តង់ដារ ត្រូវបានរកឃើញជាច្រើនករណី៕

veggies_nplz mkhukhot kumquattree190215 chatuchak_fresh_and_dry_food_4

ចែកចាយបន្ត