នៅថ្ងៃទី ១៥ ខែតុលា ខាងមុខនេះ ហាងកាហ្វេ Brown នឹងដាក់សម្ពោធជាផ្លូវការនូវ សាខាប្រោនសៀមរាប និងសម្ពោធសាខាថ្មីបំផុតនៅ ទួលគក ផងដែរ។ នេះបើយោងតាមគេហទំព័រហ្វេសប៊ុកផ្លូវការរបស់ ហាងកាហ្វេប្រោន ចេញផ្សាយនៅព្រឹកមិញនេះ។

នៅក្នុងថ្ងៃសម្ពោធហាងកាហ្វេប្រោន សាខាសៀមរាប ក៏មានការសម្តែងល្ខោនស្បែកធំ របស់សមាគមសិល្បៈសុវណ្ណាភូមិឈុត សុកចាក ព្រមជាមួយការសម្តែងសិល្បៈចម្រៀងរបស់ក្រុមក្មេងខ្មែរ និង Small World Small Band។

ប្រោនក៏បានរៀបចំមូលនិធិប្រោន ដើម្បីទ្រទ្រង់សិល្បៈល្ខោនស្បែករបស់កម្ពុជា ដែលគិតត្រឹមថ្ងៃ ៩ ខែតុលានេះ គឺមានចំនួនប្រមាណ ៨ពាន់ដុល្លារអាមេរិកហើយ ដែលស្មើនឹង ៧៨ភាគរយនៃគោលដៅ ១ម៉ឺនដុល្លារអាមេរិក។

មកទល់ពេលនេះ Brown បានពង្រីកសាខាសរុប ១៤សាខាហើយ ដែលជាពង្រីកសក្តានុពលដ៏ធំមួយ របស់ Brown នៅតាមបណ្តាខេត្តធំៗ ក្នុងព្រះរាជាណាចក្រកម្ពុជា៕