Post News Media ព័ត៌មានសេដ្ឋកិច្ច ត្រឹម ៩ខែដើមឆ...

ត្រឹម ៩ខែដើមឆ្នាំ នាវាទេសចរណ៍ ២៩គ្រឿង នាំភ្ញៀវទេសចរប្រមាណ ៤ម៉ឺននាក់ មកកម្ពុជា

ចែកចាយបន្ត

ក្នុងរយ:ពេល ៩ខែដើមឆ្នាំ ២០១៦នេះ នាវាទេសចរណ៍ ២៩គ្រឿងបានចូលចត នៅកំពង់ផែអន្តរជាតិព្រះសីហនុ ដែលនាំយកភ្ញៀវទេសចរណ៍បរទេសប្រមាណ ៤ម៉ឺននាក់ មកទស្សនាកម្ពុជា។

គិតត្រឹមត្រីមាសទី ៣ ឆ្នាំ ២០១៦នេះ មាននាវាចូលចត នៅកំពង់ផែអន្តរជាតិ ព្រះសីហនុ សរុបចំនួន ៨៥៣គ្រឿង ដែលក្នុងនោះនាវាទេសចរណ៍ចំនួន ២៩គ្រឿង និងនាវាយោធាចំនួន ១១គ្រឿង ក្រៅពីនោះគឺនាវាដឹកទំនិញ។ នេះបើតាមការឲ្យដឹងពីលោក ង៉ុយ ជៀង ប្រធានប៉ុស្តិ៍ច្រកទារកំពង់ផែអន្តរជាតិ។

លោកបានបន្តថា ការកើនឡើងនូវនាវាទេសចរណ៍នេះ ក៏ដូចជាភ្ញៀវទេសចរ មកលេងកម្សាន្តនៅខេត្តព្រះសីហនុ ដោយសារតែខេត្តនេះ មានការអភិវឌ្ឍរីកចម្រើននូវ ហេដ្ឋារចនាសម្ព័ន្ធនានា និងការជួយសម្រួលបែបបទដោយមន្ត្រីនគរបាលច្រកទ្វារ ជូនដល់ភ្ញៀវទេសចរបានទាន់ពេលវេលា។

លើសពីនេះទៅទៀត លោករំពឹងថា នៅរដូវប្រាំងខាងមុខ មានភ្ញៀវទេសចរបរទេស ធ្វើដំណើរតាមនាវាចូលចត នៅកំពង់ផែអន្តរជាតិខេត្តព្រះសីហនុ កាន់តែច្រើនឡើងថែមទៀត ស្របតាមគោលនយោបាយបើកចំហជើងមេឃ ជើងអាកាស និងតាមផ្លូវសមុទ្រ ហើយពួកគេនឹងទទួលបានការស្វាគមន៍ ដោយភាពរាក់ទាក់ និងរីករាយពី មន្ត្រីនគរបាលប៉ុស្តិ៍ផងដែរ។

បើយោងតាមរដ្ឋមន្ត្រីក្រសួងសាធារណ:ការ នឹងដឹកជញ្ជូនបានឲ្យដឹងថា កម្ពុជា គ្រោងនឹងសាងសង់កំពង់ផែអន្តរជាតិថ្មីមួយ សម្រាប់ចតនាវាខ្នាតយក្ស ដែលកំពង់ផែនេះ មានជម្រៅទឹក ១៤ម៉ែត្រកន្លះ គ្រោងនឹងសាងសង់នៅដើមឆ្នាំ ២០១៧៕

14203339_966442996797567_655573616803489772_n 14469511_990698044372062_5020864601922924459_n