Post News Media ព័ត៌មានសេដ្ឋកិច្ច ICRC ជម្រុញបង...

ICRC ជម្រុញបង្កើតសហគ្រាសផលិតអវ:យវ:សិប្បនិម្មិត នៅកម្ពុជា

ចែកចាយបន្ត

គណ:កម្មាធិការនៃកាកបាទក្រហមអន្តរជាតិ (ICRC) បានជម្រុញឲ្យរាជរដ្ឋាភិបាលកម្ពុជា បង្កើតសហគ្រាសរបស់រដ្ឋ សម្រាប់ផលិតអវ:យវ:សិប្បនិម្មិត សម្រាប់ជនពិការនៅកម្ពុជា ខណ:បច្ចុប្បន្នជនពិការនៅកម្ពុជា មានប្រមាណជិត ៥សែននាក់។ នេះបើយោងតាមជំនួបពិភាក្សាកាលពីពេលថ្មីៗនេះ រវាងលោក បេរិន ប្រធានគណ:កម្មាធិការនៃកាកបាទក្រហមអន្តរជាតិ និងលោក ហោ ណាំហុង ឧបនាយករដ្ឋមន្ត្រីក្រសួងការបរទេស។

លោក បេរិន បានលើកឡើងពី សំណើបង្កើតសហគ្រាសរបស់រដ្ឋ សម្រាប់ផលិតអវ:យវ:សិប្បនិម្មិតនៅកម្ពុជា ដែលអាចនាំចេញទៅលក់នៅក្រៅប្រទេស ដែលចំពោះសំណើនេះ រាជរដ្ឋាភិបាលកម្ពុជា សុំឲ្យគណ:កម្មាធិការនៃកាកបាទក្រហមអន្តរជាតិ រៀបចំគម្រោងចំណាយឲ្យបានច្បាស់លាស់ ដើម្បីដាក់ជូនរាជរដ្ឋាភិបាលពិនិត្យ និងសម្រេចនាពេលខាងមុខ។

លោកបានបញ្ជាក់ទៀតថា ផលិតផលសម្រេច នឹងមានទីផ្សារជាច្រើនចាំទទួលទិញដូចជា អង្គការមនុស្សធម៌ និងក្រសួងសង្គមកិច្ច កាកបាទក្រហមអន្តរជាតិជាដើម។

នៅកម្ពុជា មានរោងចក្រផលិតឧបករណ៍សិប្បនិម្មិត កាន់កាប់ដោយជនជាតិខ្មែរ ដែលផលិតបាន ១ម៉ឺន៨ពាន់អវ:យវ:សិប្បនិម្មិត និង ១ម៉ឺនឈើច្រត់ ជារៀងរាល់ឆ្នាំ សម្រាប់ផ្តល់ជូនជនពិការនៅកម្ពុជា និងនាំចេញទៅក្រៅប្រទេស៕

maxresdefault