Post News Media ព័ត៌មានសេដ្ឋកិច្ច តម្លៃអគ្គិសនី...

តម្លៃអគ្គិសនី នឹងបន្តចុះទាបជាង ៨០០៛ក្នុង១គីឡូវ៉ាត់ម៉ោង នៅឆ្នាំ ២០១៧

ចែកចាយបន្ត

តម្លៃអគ្គិសនីនៅកម្ពុជា នឹងបន្តចុះទាបជាង ៨០០៛ក្នុង១គីឡូវ៉ាត់ម៉ោង នៅឆ្នាំ ២០១៧ ដើម្បីសម្រួលបន្ទុកការប្រើប្រាស់អគ្គិសនីរបស់ប្រជាពលរដ្ឋ។ នេះបើយោងតាម លោក ស៊ុយ សែម រដ្ឋមន្ត្រីក្រសួងរ៉ែ និងថាមពល បានឲ្យដឹងកាលពីពេលថ្មីៗនេះ។

តម្លៃអគ្គិសនីចុះថ្លៃ គឺដោយសារ ការគៀងគររកដៃគូវិនិយោគលើវិស័យអគ្គិសនី ដែលមកទល់ពេលនេះ រដ្ឋាភិបាលបានសម្រេចអនុម័តលើ ៩គម្រោងក្នុងវិស័យអគ្គិសនី ដែលក្នុងនោះមាន រោងចក្រដើរដោយធ្យូងថ្មចំនួន ២គម្រោង និងរោងចក្រដើរដោយវារីអគ្គិសនីចំនួន ៧គម្រោង។

ការអភិវឌ្ឍន៍នៃវិស័យអគ្គិសនី ក៏បានធ្វើឲ្យសេដ្ឋកិច្ចកម្ពុជាមានសន្ទុះកើនឡើង ដែលមានបណ្តាញចែកចាយតាំងពីទីប្រជុំជន រហូតដល់ទីជនបទដាច់ស្រយាល។

បច្ចុប្បន្ន ប្រជាពលរដ្ឋប្រមាណ ៧០ភាគរយទទួលបានអគ្គិសនីប្រើប្រាស់ ហើយរាជរដ្ឋាភិបាលគ្រោងនឹងសម្រេចឲ្យបាន ១០០ភាគរយ នៅត្រឹមឆ្នាំ ២០២០៕

13087715_1595216710768309_7444146433109290224_n