Post News Media ព័ត៌មានសេដ្ឋកិច្ច Feeding India...

Feeding India៖ អាហារសល់ពីអាពាហ៍ពិពាហ៍មួយយប់ ចិញ្ចឹមមនុស្សបាន ១ម៉ឺននាក់

ចែកចាយបន្ត

សហគ្រិនឥណ្ឌាវ័យ ២៤ឆ្នាំ លោក Ankit Kawatra បានបង្កើតនូវអង្គការសប្បុរសធម៌ Feeding India ដែលបានជួយផ្តល់ចំណីអាហារដល់ប្រជាជនឥណ្ឌាលើសពី ១លាននាក់ហើយ មកដល់ពេលនេះ។

លោក Kawatra ដែលជានិស្សិតបញ្ចប់ការសិក្សាផ្នែកគ្រប់គ្រង បានចែករំលែកបទពិសោធន៍ថា «ខ្ញុំបានចូលរួមពិធីមង្គលការរបស់តារាល្បីម្នាក់ ហើយអាហារ ៣៥មុខ ត្រូវបានរៀបចំសម្រាប់ភ្ញៀវ អ្វីដែលគួរឲ្យភ្ញាក់ផ្អើលគឺ អាហារសេសសល់ដែលអាចចិញ្ចឹមមនុស្សបាន ១ម៉ឺននាក់ ត្រូវចោលទៅក្នុងធុងសំរាមទាំងអស់ នៅក្នុងយប់នោះ»។

បទពិសោធន៍នេះ ធ្វើឲ្យលោកពិបាកនឹងសម្រេចចិត្ត ក្នុងការលាឈប់ពីការងារ រួចបង្កើតអង្គការប្រមូលសំណល់អាហារពីកម្មវិធី និងភោជនីយដ្ឋាននានា ដើម្បីផ្តល់ជូនទៅជនក្រខ្សត់ដែលកំពុងខ្វះខាតខ្លាំង។

ដំបូងឡើយអង្គការនេះមានអ្នកស្ម័គ្រចិត្តតែ ៥នាក់ប៉ុណ្ណោះ តែមកទល់ពេលនេះ មានអ្នកចូលរួមប្រមាណ ២,២០០នាក់ ចូលរួមបរិច្ចាគ ដោយពួកគេប្រើកម្មវិធីទំនាក់ទំនងគ្នាពីទីតាំង ហើយពួកគេទៅប្រមូលអាហារសេសសល់ទាំងនោះ នឹងចែកចាយដល់ជនក្រខ្សត់ ដែលកំពុងត្រូវការបំផុត។

ជាចុងក្រោយ លោក Kawatra បញ្ជាក់ថា លោកត្រូវការជំនួយពី ម្ចាស់អាជីវកម្ម ឬបុគ្គល ដែលមានបំណងជួយដោះស្រាយបញ្ហាភាពអត់ឃ្លាន ហើយគ្រោងនឹងជួយមនុស្សប្រមាណ ១០០លាននាក់ត្រឹមឆ្នាំ ២០២០៕

zero-hunger 10410943_1536413906576327_7533414068352711562_n