Post News Media ព័ត៌មានសេដ្ឋកិច្ច ចិន-អឺរ៉ុប គ្...

ចិន-អឺរ៉ុប គ្រោងពង្រីកសេវាកម្មរថភ្លើងដឹកទំនិញដល់ ៥ពាន់គ្រឿង នៅឆ្នាំ ២០២០

ចែកចាយបន្ត

រថភ្លើង ៥ពាន់គ្រឿង នឹងដំណើរការដឹកទំនិញដោយផ្ទាល់រវាងចិន-អឺរ៉ុប នៅឆ្នាំ ២០២០ នេះបើយោងតាមគម្រោងអភិវឌ្ឍន៍ចេញផ្សាយដោយ គណ:កម្មការអភិវឌ្ឍន៍ជាតិចិន។

កាលពីពេលថ្មីៗនេះ រថភ្លើងដឹកទំនិញ ដែលកំពុងដំណើរការរវាងចិន-អឺរ៉ុប មានចំនួន ១,៨៨១គ្រឿង ដែលដឹកជញ្ជូនទំនិញនាំចូល និងនាំចេញ មានតម្លៃប្រហែល ១៧ពាន់លានដុល្លារអាមេរិក។

សហភាពអឺរ៉ុប ជាដៃគូពាណិជ្ជកម្មដ៏ធំមួយរបស់ប្រទេសចិន ខណ:ចិន ជាប្រទេសដែលនាំចូលទៅកាន់អឺរ៉ុបធំជាងគេ ហើយទំហំពាណិជ្ជកម្មមានរហូតដល់ ៣.៥១លានលានដុល្លារអាមេរិកក្នុងឆ្នាំ ២០១៥។

ការដឹកជញ្ជូនទំនិញដោយផ្ទាល់តាមរយ:រថភ្លើង នឹងផ្សារភ្ជាប់ទីក្រុងជាច្រើនរបស់ប្រទេសចិន ជាមួយអឺរ៉ុប ដែលមួយរយ:ពេលធំនេះ ការដឹកទំនិញតាមផ្លូវដែកកើនឡើងយ៉ាងខ្លាំង ដោយសារការដឹកជញ្ជូនតាមផ្លូវទឹក កាន់តែយឺតនិងប្រឈមគ្រោះថ្នាក់ ហើយការដឹកជញ្ជូនតាមផ្លូវអាកាស នៅតែថ្លៃ។

គួរបញ្ជាក់ថា គម្រោងនេះ នឹងមានប្រព័ន្ធសេវាកម្មដឹកជញ្ជូនតាមរថភ្លើងចំនួន ៣ខ្សែ គឺ ខ្សែខាងកើត ខ្សែកណ្តាល និងខ្សែខាងលិច ដែលនឹងភ្ជាប់ទៅកាន់ អាស៊ីបូព៌ា និងអាស៊ីអាគ្នេយ៍ផងដែរ៕

china-europe-rail2-400x3001-680x0-c-default