Post News Media ព័ត៌មានសេដ្ឋកិច្ច ហាងកាហ្វេ Ama...

ហាងកាហ្វេ Amazon គ្រោងពង្រីកអាជីវកម្មឲ្យបាន ២០០សាខា ទូទាំងតំបន់អាស៊ាន ត្រឹមឆ្នាំ ២០២០

ចែកចាយបន្ត

ក្រុមហ៊ុន PTT Plc បានបង្ហាញពីគម្រោងបន្ថែមហាងកាហ្វេ Amazon ឲ្យបាន ២០០សាខា នៅទូទាំងតំបន់អាស៊ាន ត្រឹមឆ្នាំ ២០២០ ខណ:បច្ចុប្បន្នមាន ៣៧សាខា។ នេះបើយោងតាមសារព័ត៌មាន Bangkok Post ចេញផ្សាយកាលពីពេលថ្មីៗនេះ។

លោក Auttapol Rerkpiboon អនុប្រធានប្រតិបត្តិជាន់ខ្ពស់នៃក្រុមហ៊ុន PTT បានលើកឡើងថា ហាងកាហ្វេ Amazon កំពុងតែរីកចម្រើនយ៉ាងលឿន ជាពិសេសក្នុងប្រទេសជិតខាងដូចជា កម្ពុជា ជាដើម ហើយការបន្ថែមសាខា ២០០កន្លែងនេះ អាចនឹងមិនទាន់គ្រប់គ្រាន់ទៅតាមតម្រូវការទៀតផង។

ការផ្លាស់ប្តូររបៀបរស់នៅរបស់មនុស្សជំនាន់ក្រោយក្នុងតំបន់អាស៊ាន រួមផ្សំនឹងកំណើនសេដ្ឋកិច្ចដ៏ល្អផងនោះ បានជម្រុញឲ្យអ្នកប្រើប្រាស់ ចំណាយច្រើនជាងមុន ជាពិសេសនៅតាមហាងទំនើបៗ និងហាងកាហ្វេដូចជា Amazon ជាដើម។

គួរបញ្ជាក់ថា នៅក្នុងប្រទេសកម្ពុជា ក្រុមហ៊ុន PTT រកបានចំណូល ៣.៥ពាន់លានបាត ពីអាជីវកម្មមិនមែនប្រេង ហើយរំពឹងនឹងកើនដល់ ១០ពាន់លានបាត ក្នុងឆ្នាំ ២០២០ បន្ទាប់ពីការពង្រីកសក្តានុពលនេះ៕

14449956_1402271499786381_3760757483437629190_n

ចែកចាយបន្ត